ताजा अपडेट »

बलात्कृत १५ वर्षीया बालिका गर्भवती

विहीबार, २९ फागुन २०७६, १६ : ५२
2 Shares

दाङ । दाङमा बलात्कृत १५ वर्षकी बालिकाको पेटमा ७ महिनाको गर्भ रहेको रहस्य खुलेको छ । राप्ती प्रादेशिक अस्पताल तुलसीपुरमा स्वास्थ्य परिक्षणका क्रममा बालिकाको पेटमा ७ महिनाको गर्भ रहेको अस्पतालका मेडिकल अफिसर डा. सन्दिप खड्काले जानकारी दिए ।

स्वास्थ्य परीक्षण गर्दा पिडित बालिकाको पेटमा २८ हप्ताको गर्भ देखीएको डा. खड्का बताएका छन् । उनका अनुसार भदौ महिनामा शारिरीक सम्बन्ध भएको हुन सक्ने अनुमान गरिएको छ । थप स्वास्थ्य परीक्षण र संरक्षणका लागि राप्ती स्वास्थ्य विज्ञान प्रतिष्ठान घोराही स्थित सेभ हाउसमा पठाइएको अस्पतालले जानकारी दिएको छ । यता बलात्कार गर्ने शान्तिनगर गाउँपालिका-२ निवासी १६ वर्षका एक किशोरका विरुद्ध ईलाका प्रहरी कार्यालय तुलसीपुरमा जबरजस्ती करणी मुद्दा दर्ता भएको छ ।

विहे गर्छु, भन्दै जबरजस्ती करणी गरेका आरोपी किशोर गत असोज २ गतेदेखि सम्पर्क विहिन भएपछि मुद्दा दर्ता भएको ईलाका प्रहरी कार्यालय तुलसीपुरका प्रहरी निरीक्षक झलक प्रसाद शर्माले जानकारी दिए । आरोपी किशोरको नाम भने प्रहरीले खुलाएको छैन ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।