अनिश्चितकालका लागि रोकियो दयाहाङको ‘नीरफूल’को प्रदर्शन मिति !

बुटवल । यहि चैत्र ७ गते बाटमा प्रर्दशनमा आउने भनिएको चलचित्र ‘नीरफूल’को प्रदर्शन रोकिएको छ । कोरोना भाइरसको त्रास बढेसँगै प्रदर्शनको तयारीमा रहेका चलचित्रले एक पछि अर्को गर्दै प्रदर्शन स्थगित गरिरहेका छन् । नेपालमा मात्र नभएर हलिउड र बलिउडमा समेत यसको असर परेको छ ।

फूलमान वलले निर्देशन गरेको उक्त चलचित्रको कथा, पटकथा स्वयं वलले गरेका छन् भने सचिन घिमिरेको लेखन रहेको छ । ‘सर्वसाधारणको स्वास्थ्यलाई ख्याल गरी सरकारले समेत सार्वजनिक भेला, सभा, समारोह तथा कार्यक्रम नगर्न आव्हान गरिरहेको बेला हामीले पनि ‘नीरफूल’ को सार्वजनिक प्रदर्शन तत्कालका लागि स्थगन गर्ने निर्णय गरेका छौँ’ निर्देशक फूलमान वलले बताएका छन् । ‘

चलचित्रमा प्राकृतिक प्रकोप भूकम्पले मानिसको जीवनमा ल्याउने उतारचढावलाई लिएर कथा बनाइएको छ । चलचित्र नीरफूलमा दयाहाङ राई, रेखा थापा, पुष्कर गुरुङ, राजन खतिवडा, बुद्धि तामाङ, सरिता गिरी लगायतका कलाकारहरुको अभिनय रहेको छ ।