दलित विभाग रुपन्देहीमा रामकिसन

भैरहवा । नेपाली कांग्रेस रुपन्देहीले दलित विभाग विस्तार गरेको छ । कांग्रेस रुपन्देहीका जिल्ला सदस्य रामकिसन विश्वकर्माको संयोजकत्वमा दलित विभाग विस्तार गरेको हो । संयोजक विश्वकर्माले विभागलाई पुर्णता दिन जिल्लाका १७ जना दलित अगुवा तथा कार्यकर्तालाई सदस्यका लागि सिफारिस गरेका छन् । उनले पार्टि सभापति अब्दुल रज्जाक समक्ष सदस्यहरुको नामावली प्रस्ताव गरेका हुन् ।

विश्वकर्माले प्रस्ताव गरेकाहरुमा बुटवलका गौतम कालिराज, मातृका प्रसाद गहतराज, भैरहवाका घनश्याम विश्वकर्मा, रामनयन हरिजन, श्यामलाल धवल, सलुजा रामदाम, किरण लामगादे, तिलोत्तमाका रामबहादुर परियार, बिमल नेपाली, देवदहका सचिन विक, सैनामैनाका शान्ति विश्वकर्मा, मोहन विक, मायादेविका हदृयराम हरिजन, गोर्कण विश्वकर्मा, मोहनकुमार विक, ओमसतिया गाँउपालिकाका दिपेन्द्र हरिजन, गैडहवा गाँउपालिकाका पानमति हरिजन रहेका छन् । पार्टि भित्रको दलित बिभागलाई बलियो र संगठीत बनाउनका लागि विभाग विस्तार गरिएको जनाईएको छ ।

कांग्रेसको विधान अनुसार विभिन्न विभागहरु गठन गर्ने क्रम चलेको छ । दलित विभागको संयोजक भएसंगै बिश्वकर्माले कांग्रेसको नीति, विचार र सिद्धान्त अनुरुप काम गर्ने बताए । उनले लोकतन्त्र, समाजवाद र राष्ट्रियताको मुलमनत्रलाई आत्मसात गर्दै दलित आन्दोलनलाई बलियो बनाउन लागि पर्ने उल्लेख गरे ।