'कोरोना संक्रमणको यो पाटोलाई नबिर्सौं'

-विश्वमा हालसम्म ९८४२२ जनालाई कोरोना संक्रमण प्रमाणित भएको छ । उपचारपछि ५५६३२ कोरोनामुक्त भएर घर फर्किएका छन् । ९४ प्रतिशतलाई निको भएको समाचार अत्यासलाग्दो होइन् ।

-हालै संक्रमण भएका ३९४०५ जनामध्ये ३३१३३ जना अर्थात ८४ % सामान्य अवस्थामा छन्, गम्भीर छैनन् ।

-चीनमा हाल १६० जना मात्र नयाँ बिरामी थपिएका छन्, अर्थात चीनमा कोरोना नियन्त्रण हुँदैछ ।

-विश्वको दोस्रो ठूलो जनसंख्या भएको भारतमा जम्मा ३१ जनालाई कोरोना संक्रमण भएको छ ।

-मृत्युदर २–३ प्रतिशत छ भने चिन्ता डर ९८ प्रतिशत छ । चिन्ता रोग होइन ।

-मास्कको अभावले चिन्तित हुनुपर्दैन, मास्क लगाउनुका आफ्नै दुख छन्, उचित तरिकाले नलगाए झनै खतरा हुन्छ । मास्क लगाउने त कोरोना संक्रमण भएका, रुघाखोकी लागेका एवं विरामीको सेवा गर्ने स्वास्थ्यकर्मीले हो, स्वस्थ व्यक्तिलाई मास्कको जरुरी छैन् ।

-संक्रमण भएका देशबाट फर्किएका सबै कोरोना संक्रमित हैनन्, ९९ प्रतिशत स्वस्थ व्यक्ति हुन् ।

-नेपालमा हालसम्म ४३३ जनालाई कोरोना परिक्षण गरिएकोमा १ जनालाई मात्र संक्रमण देखिएको छ, उनी निको भएर घर फर्किएका छन् ।

-अत्यावश्यक काम बाहेक घरमै बस्नेलाई कोरोना संक्रमणको डर हुँदैन, त्यसो त हाल नेपालमा १ जना पनि कोरोना संक्रमण प्रमाणित भएको व्यक्ति छैन ।