रुपन्देहीमा बहिरा स्रोत शिक्षकालागि प्राविधिक पहुँचतकत्ता तालिम शुरु

बुटवल । रुपन्देहीमा श्रवण दृष्टिविहीन शिक्षकको लागि शिक्षण सिकाई क्रियाकलाप मा सहजीकरण गर्नको लागि विश्वस्तरको स्रोत सामग्रीको वेबसाईट सार्वजनिक गरिएको छ।

नेपाल सरकार पाठ्यक्रम विकास तथा स्रोत केन्द्र र राष्ट्रिय बहिरा महासंघको आयोजनामा उक्त वेबसाईट सार्वजनिक गरिएको हो। 

साथै, ५ दिनसम्म चल्नेगरी प्राविधिक शिक्षामा आधारित क्षमता विकास तालिमसमेत सुरु भएको छ। यस तालिममा गण्डकी, लुम्बिनी, कर्णाली र सुदुरपश्चिमका श्रोत शिक्षक सहभागी भएका छन्।

उनीहरूलाई प्राविधिक रूपमा परिस्कृत  माध्यमबाट कसरी विद्यार्थीलाई पढाउन सकिन्छ भन्नेबारे सिकाइनेछ। उनीहरुका लागि दुई जना दोभासे राखी तालिम दिन थालिएको बहिरा महासंघले जनाएको छ।