ताजा अपडेट »

गुल्मीका पराजुलीको सडक दुर्घटनामा मृत्यु, परिवारको बिचल्ली

शुक्रबार, २४ कार्तिक २०८०, १६ : ०२
58 Shares

गुल्मी । सबैको घरमा दशै भित्रिदैँ थियो । देश विदेशमा रहेका मानिसहरु घर फर्किदै थिए । तर गुल्मी अर्जैका देविराम पराजुली भने घरबाट भारततिर हिँडे गत असोज २८ गते । छ महिना अघि भारतमै सडक दुर्घटनामा परि बचेर घर फर्किएका उनी त्यहाँको एक अस्पतालले चलाएको औषधि लिन फेरि भारत गएका थिए र औषधि लिएर दशै मान्न घर आउछु भनेर परिवारलाई बताएका थिए । तर कार्तिक ४ गते फुलपातिको दिन उनी उत्तर प्रदेशको मथुरा स्थित सडक दुर्घटनामा मृत्यु भयो भन्ने खबरले पराजुली परिबारको दशैँ दशामा परिणत हुन पुग्यो ।

४० वर्षिय पराजुलीलाई हिडिरहेको अबस्थामा गाडिले किचेर मृत्यु भएको तस्वीर हामीलाई पनि त्यहाँ बाट पठाईयो । जुन हेरिसाध्य थिएन । घाजैघाजा टाउको र बेहाल शरिर थियो । घरबास समेत नभएको त्यो परिवारमा ठुलो विचल्लि आई लाग्यो । श्रीमति लक्ष्मि पराजुली १२ वर्षिय जेठा छोरा मनिष सहित चार सन्तान घरमा छ्न ।

मालिका गाउँपालिका ६ मा पर्दछ अर्जै गाउँ । सोहि गाउँका कलाकार सन्तोष केसि र सोहि गाउँ पुर्खेयौलि घर भई बुटवल गोलपार्कमा घर हुने चन्द्र पराजुली बिच छ्लफल भयो र त्यो परिवारको उद्दारका लागि सहयोग संकलन अभियान सुरु गर्ने निर्णय भयो । नभन्दै शुक्रवार मृत्युको २० दिनसम्म आई पुग्दा चन्द्र पराजुलीको नेतृत्वमा ३ लाख १२ लाख संकल भई परिवारजनलाई तम्घास बोलाएर पराजुलीले हस्तान्तरण गरिएको छ ।

सहयोगदाता प्रति मृतककि श्रीमति , आमा दुर्पति पराजुली र छोरा मनिषले कृतज्ञताको मुद्रमा सहयोग ग्रहण गरेका थिए । मृतकका चार सन्तानलाई बिन्दबासिनि फाउन्डेसनले अर्जै माविमा एसईई सम्म निशुल्क पढाई दिने घोषणा गरेको छ । संकलनकर्ता चन्द्र पराजुलीले त्यो परिवारको घर बनाई दिन सहयोग अभियान सुरु गरेको बताउँदै सहयोगदातालाई धन्यवाद दिदै थप सहयोगदातासँग सहयोगको अपिल गरेका छ्न् । उनका अनुसार अमेरिकामा रहेका अशोक ज्ञवालिले १५ हजार १११ सबै भन्दा बढि सहयोग गरेका छ्न् ।

सोहि स्थानमा रहेका चन्द्र पराजुलीले १२ हजार ५ सय सहयोग गरेका छ्न् । सन्तोष केसी , भागिरथ भण्डारीले १०/१० हजार सहयोग गरेका छ्न । नरदेव भण्डारीले ७ हजार, कृष्ण पराजुली , चन्द्र पराजुली , शेर बहादुर पराजुली , भिम बहादुर भण्डारी र बिनोद अर्याल जैसिले ५/५ हजार सहयोग गरेका छ्न् । त्यो भन्दा तल सहयोग गर्नेहरू १०६ जना रहेका छ्न् ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।