ग्लोबल आवाजAdvertisement
रुपन्देही । राजनितिक पार्टीमा आबद्ध रहेका युवाहरुले समाज परिबर्तनका मुद्धाहरुमा पनि बहस चलाउनु पर्ने एक कार्यक्रममा सहभागिहरुले बताएका छन ।
सामाजिक परिबर्तन केन्द्र काठमाण्डौले बुटवलमा आयोजना गरेको राजनितिक पार्टीमा आवद्ध रहेका र नरहेका युवाहरु बिचको संबाद कार्यक्रममा बोल्ने युवानेताहरुले सामाजिक मुद्धाहरुको उठानमा कमजोर भएकै कारण बिद्यार्थी संगठनहरु प्रति आकर्षण कम हुदै गएको स्विकार गरेका हुन । एकातिर बैदेशिक अध्ययनको लहर तथा अर्को तर्फ बिद्यार्थी संगठनहरुको राजतिनिक मुद्धामा मात्रै अग्रसरता बिद्यार्थी संगठनहरुप्रति आकर्षण कम हुदै जानुका मुख्य कारण भएको उनीहरुको भनाई छ ।
कार्यक्रममा सहजिकरण गर्दै सामाजिक परिबर्तन केन्द्रका कार्यकारी निर्देशक डाक्टर प्रकास भट्टराईले समाजमा हुने र चलिरहने आकस्मीक परिबर्तनहरुले द्धन्द्धलाई बढाउन सक्ने भन्दै युवाहरुले समाजमा सदभाव बढाउन सामाजिक राजनितिक संगै सामाजिक मुद्धाहरुमा पनि बहस र पैरवी गर्नुपर्ने बताए। उनले सामाजिक सदभाव बढाउन युवाहरुको भुमिका अहम हुने भएकाले कहिलेकाही संगठनको दायरा भन्दा माथि उठेर शान्ती र सद्भावको लागि नेतृत्वदायी भुमिका खेल्नु पर्ने बताए ।
कार्यक्रममा अनेरास्वबियूका केन्द्रीय सदस्य तथा रुपन्देही जिल्ला इन्चार्ज साजन भण्डारी , नेपाल बिद्यार्थी संघका केन्द्रीय सदस्य बिकास पाण्डे, अखिल क्रान्तीकारीका केन्द्रीय सचिवालय सदस्य पारस राहदी मगर , बुटवल बहुमुखी क्याम्पसका स्वबियु अध्यक्ष दुर्गाबहादुर एम सि , यज्ञोदय दुधनाथ थारु बहुमुखी क्याम्पसका स्वबियु अध्यक्ष महेश चौधरी , लुम्बिनी बाणिज्य क्याम्पसका स्वबियु सदस्य पुनम कुवर , अखिल क्रान्तीकारीका महिला बिभाग प्रमुख सपना देउती , तरुण दल शुद्धोधनका सुभाष तिवारी , बिप्लव निकट अखिल क्रान्तीकारीका जिल्ला सदस्य सुनिता बोगटी लगाएतले बोल्दै युवा बिद्यार्थीहरुले समाजमा सद्भाव कायम गर्नका लागि सामाजिक मुद्धाहरुलाई नजरअन्दाज नगर्ने प्रतिबद्धता जनाउनु भएको थियो ।
प्रतिकृया दिनुहोस्