काठमाडौँ । पाककला सम्बन्धी प्रतिस्पर्धात्मक रियालिटी शो ‘सेफ नेपाल’ आजदेखि प्रसारणमा आउँदै छ । नेपाल मा पहिलो पटक पाककला सम्बन्धी रियालिटी शो सुरु हुन गैरहेको धर्म पिक्चर्सका अध्यक्ष तथा ‘सेफ नेपाल’ का निर्माता धर्मराज पाण्डेले जानकारी दिनु भयो । कार्यक्रम मार्फत रैथाने खाना, बाली तथा वस्तु सहित ग्यास्ट्रोनोमी को पनि प्रवर्द्धन हुने पाण्डेको दाबी छ ।
हरेक शुक्रबार राति ९ बजेदेखि एक घण्टा कान्तिपुर टेलिभिजनबाट प्रसारण हुने शो लगभग ४ महिना प्रशारणमा रहनेछ । ०७९ वैशाखमा फुड रियालिटी सो ल्याउने घोषणा गरे पनि विविध कारणले ढिलाइ भएको थियो । ‘झन्डै डेढ वर्ष लाग्यो बजारमा ल्याउन, पहिलो पटक अनलाइन अडिसन आह्वान गर्यौं । आफ्नो परिचय र मनपर्ने खाना पकाएको भिडियो पठाउन भन्यौं ।’ निर्माता धर्मराज पाण्डे अनुसार अनलाइनमा आएका आवेदनमध्येबाट सय जनालाई सर्टलिस्ट गरिएको थियो ।
‘अनलाइन आवेदन ५ सयभन्दा बढीको आएको थियो, त्यसभित्र अधिकांश आवेदन सेफहरूको आएको थियो,’ उनले भने, ‘तर हामीले अमेच्योर र अन्प्रोफेशनलहरूलाई मात्र छनोट गर्यौं ।’ सेफ नेपालले खल्तीसँगको साझेदारीमा ‘खल्ती क्विज’ समेत ल्याउने जनाएको छ । हरेक एपिसोडको अन्तिममा सोधिने प्रश्नको सही उत्तर दिने दर्शकलाई गोलाप्रथामार्फत छनोट गरी विजेतालाई हरेक साता ५० हजारसम्मको गिफ्ट ह्याम्पर प्रदान गर्ने सेफ नेपालले जनाएको छ । हरेक एपिसोडमा घोषणा हुने ‘उत्कृष्ट डिस’ लाई बजारमा रहेका विभिन्न रेस्टुरेन्ट तथा क्याफेमा उपलब्ध गराउने व्यवस्थासमेत मिलाइएको पाण्डेको भनाइ छ ।
आयोजक सेफ नेपालका अनुसार विजेतालाई २५ लाख रुपैयाँ नगदसहित विभिन्न अवसरहरू प्रदान गरिनेछ । सेफ नेपाल र भाइबर को पनि सहकार्य भएको छ । भाइबर मा सेफ नेपालको च्यानल रहेको छ जसमा अहिले नै ५० हजार भन्दा बढी दर्शक हरु आवद्ध भैसकेका छन । सेफ नेपालको भाइबर च्यानल मा हरेक हप्ता रेसिपी प्रतियोगिता गराइने छ, हप्ताको एक उत्कृस्ट रेसिपिले नगद १०,००० जित्न सक्नु हुनेछ । रियालिटी सोमा सेफ सन्तोष शाह, सेफ गणेशबहादुर ढकाल र भान्से लक्ष्मणप्रसाद भण्डारी नै निर्णायक छन् भने नायिका प्रियंका कार्की कार्यकारी निर्माता छन् ।
प्रतिस्पर्धामा नेपालको कुनाकुनाका विभिन्न समुदायबाट प्रतिनिधित्व गरी प्रतिस्पर्धीहरू आएका सेफ सन्तोष शाहले बताए । ‘नेवारी, शेर्पा, लिम्बूलगायत विभिन्न समुदायका प्रतिस्पर्धीहरू आउनुभएको छ,’ उनले भने, ‘एक समुदायले अर्को समुदायको खाना बनाएको हेर्न, सिक्न र खान पनि पाउँछन् । यसले फुड टुरिज्मलाई धेरै नै सहयोग गर्छ ।’ सेफ नेपाल शो हेर्न अब हरेक शुक्रबार राती ९:०० बजे कान्तिपुर टिभी खोल्नु पर्ने छ ।
सेफ नेपालको युट्युव च्यानल मा पनि टिभिको प्रशारण समय पस्चात हेर्न सकिने छ । सेफ नेपालको बारेमा जानकारी तथा सुचना समाजिक सन्जाल तथा सेफ नेपालको फेसबुक,इन्स्टग्राम आदिमा उपलब्ध छ । आज राती ९ बजे कान्तिपुर टिभिमा नेपालकै पहिलो फुड रियालिटी शो "सेफ नेपाल" तपाँई हामी सबै सँगै बसेर हेर्ने हैन त ?
युनिकोड
मिति रूपान्तरण
ग्लोबल आवाज
प्रतिक्रिया