बुटवल । रूपन्देहीको तिलाेत्तमा ८ मा युवामैत्री स्थानीय शासन सम्बन्धि सराेकारवालाहरू बीच अभिमुखीकरण कार्यक्रम सम्पन्न भएकाे छ । तिलाेत्तमा नगरपालिकाकाे आयाेजनामा शुक्रबार साे अभिमुखीकरण सम्पन्न भएकाे हाे ।

कार्यक्रममा प्रशिक्षण दिँदै राष्ट्रिय युवा परिषद सदस्य तिलाेत्तम पाैडेलले मेहेनत र काम गर्ने मानिस नै युवा भएकाे बताए। पाैडेलले युवाभित्र खाेजकाे भावना हुनुपर्ने बताउँदै केही न केही परिवर्तनका लागि युवाले सुरूवात आफैबाट गर्नुपर्ने बताए । २०७८ काे जनगणनाअनुसार युवाकाे संख्या १ कराेड २४ लाख १२ हजार १ सय ७३ , ४२.५६ प्रतिशत युवाहरू रहेकाे उल्लेख गर्दै युवा शक्ति कुनै कुरामा पछि हट्न नहुने बताए ।

कार्यक्रममा अर्का प्रशिक्षक युएन डिपी कार्यकारी अधिकृत बिनिता कार्कीले युवाहरू विश्व मै दखल राख्न सक्ने शक्ति भएकाेे बताइन् । उनले अहिलेकाे समयमा युवाले हरेक क्षेत्रमा आफ्नाे हक अधिकारकाे लागि सामर्थ्य राख्न सक्नुपर्ने बताइन् । त्यस्तै प्रमुख प्रशासकीय अधिकृत नारायण अर्यालले नगर अब युवाका लागि विशेष याेजनाका साथ अगाडि बढ्ने बताए । साथै युवाहरूले नै यसका लागि पहल र माग गर्न आवश्यक रहेकाे बताए ।

कार्यक्रममा अतिथिहरू , राष्ट्रिय युवा परिषद लुम्बिनी प्रदेश उपाध्यक्ष गाेविन्द केसी , शिक्षा शाखा प्रमुख उपसचिव गंगाराम अाचार्य , सामाजिक विकास समिति संयाेजक रवि सेन्चुरी , सामाजिक विकास शाखा प्रमुख शारदा भट्टराई , तिलाेत्तमा नगरपालिकाका जनप्रतिनिधिहरू , बाल सञ्जालका प्रतिनिधिहरू , नगरपालिका भित्र रहेका युवाहरूकाे उपस्थिति रहेकाे थियाे ।युवामैत्री स्थानीय शासनका लागि ४६ सूचक आवश्यक पर्दछ ।