ताजा अपडेट »

राजकुमार ह्यारी र मेगनको इच्छालाई महारानी एजिलावेथको साथ

मंगलबार, २९ पुस २०७६, ०८ : ०४
12 Shares

पुस २९,

काठमाण्डौ । बेलायतकी महारानी एलिजावेथले आफ्ना नाति राजकुमार ह्यारीको फैसलालाई लिएर सहमति जनाएकी छिन् । राजकुमार ह्यारीले पत्नी मेगनसँगै शाही परिवारको भूमिकाबाट अलग्गिएर स्वतन्त्ररुपमा क्यानडा र बेलायतमा समय बिताउन चाहेको बताएका थिए । बेलायती महारानीले भनिन्, ‘राजकुमार ह्यारी र उनकी पत्नी मेगनको इच्छालाई पूर्णरुपमा समर्थन गर्छु तर उनीहरु शाही परिवारको पूर्णकालिक सदस्य बनिरहँदा राम्रो हुन्छ ।’

साथै महारानी एलिजावेथले आगामी दिनमा राजकुमार ह्यारीले र मेगनले यसबारेमा अन्तिम फैसला लिनेमा आफू विश्वस्त भएको बताइन् । गएको बुधबार अप्रत्याशित बयानमार्फत राजकुमार ह्यारीले आफ्नो इन्स्टाग्राम पेजमा आफू र मेगन शाही परिवारबाट अलग्गिएर स्वतन्त्ररुपमा रहन चाहेको इच्छा व्यक्त गरेका थिए । बयानमा ह्यारीले भनेका थिए, ‘हामी दुई शाही परिवारको वरिष्ठ सदस्यको हैसियतबाट हट्न चाहन्छौँ र आर्थिकरुपमा स्वतन्त्र हुनका लागि काम गर्न चाहन्छौँ तर महारानीलाई पनि हाम्रो समर्थन रहिरहनेछ ।’ उनको यस्तो बयानपछि शाही परिवारका वरिष्ठ सदस्य राजकुमार ह्यारी र मेगनसँग लगातार कुराकानी गरिरहेका छन् ।

महारानीको तर्फबाट जारी बयानमा भनिएको छ, ‘कुराकानीको प्रक्रियामा प्रिन्स अफ् वेल्स (प्रिन्स चालर्स’ र ड्युक अफ् क्याम्ब्रिज अर्थात् प्रिन्स विलियम पनि सामेल छन् र यो कुराकानी निकै सकारात्मक रहेको छ ।’ महारानी एलिजावेथले भनिन्, ‘म र मेरो परिवार पूर्णरुपमा ह्यारी र मेगनको इच्छालाई समर्थन गर्छाैँ, जो एक युवाजोडीको रुपमा नयाँ जिन्दगी हासिल गर्न चाहन्छन् ।’ –एजेन्सी

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।