तिनाउमा एमालेको मिसन ग्रासरुट

पाल्पा । नेकपा एमाले, पाल्पा तिनाउ गाउँ कमिटीकाे आयाेजनामा तिनाउ -५ काे चाैबीसमेल टाेलमा मिसन ग्रासरुट अभियान बिहिवार सम्पन्न भएको छ ।  ग्रासरुट अभियानका सहजकर्ता प्रदेश कमिटीका सदस्य गीता पाण्डेयले एमालेलाई जनताका घरदैलामा पुराउनु पर्ने र कार्यकर्ताका मनाेभाव बुझेर अघि बढाउनु पर्ने बताईन् ।

जिल्ला कमिटी सचिवालय सदस्य दलबहादुर गुरुङले पार्टीका नेता, कार्यकर्ता र शुभचिन्तकहरुलाई उद्यमशीलतासँग जाेडेर लगेमा उत्तम हुने बताए । जिल्ला सदस्य सन्ताेष भट्टराईले नयाँ सदस्यता तथा नवीकरणमा जाेड दिए । तिनाउ गाउँपालिकाका अध्यक्ष एवम् एमाले नेता प्रेम श्रेष्ठले गाउँलेहरुका मागहरु आफ्नाे पालिकाले क्रमश पूरा गर्दै जाने बताए ।

अभियानमा टाेल  कमिटीका अध्यक्ष लालबहादुर थापा,वडा कमिटी अध्यक्ष यमबहादुर चिदी लगायतले ग्रासरुट अभियानका बारेमा आआफ्ना विचार राखेका थिए ।