बुटवल । एभरेस्ट बैंक बुटवल र भैरहवा शाखाले मार्च २० देखि २६ सम्म आयोजित ग्लोबल मनि वीक-२०२३ भव्य रुपमा मनाएको छ। बैंकको बुटवल शाखाले लुम्बिनी प्रदेश प्रमुख लव प्रसाद कुंईकेल र बुटलव शाखा प्रमुख नवीन पण्डित क्षेत्रीको उपस्थितिमा बुटवल १२ स्थित मायादेवी टेक्निकल कलेजमा डिप्लोमा प्रथम वर्षका विद्यार्थीहरुलाई वित्तीय साक्षरता कार्यक्रमको आयोजना गरि ग्लोबल मनि वीक-२०२३ मनाएको हो ।

यस्तै एभरेष्ट बैंक भैरहवा शाखाले पनि जगदम्बा स्पिनिङग मिल प्रा. लि.को हाता भित्र वित्तीय साक्षरता सम्बन्धि कार्यक्रम आयोजना गरि ग्लोबल मनि वीक २०२३ मनाएको छ । उक्त कार्यक्रम भैरहवा शाखाका शाखा प्रमुख धुर्ब प्रसाद आचार्य र दिपक कुमार बजिमयको उपस्थितिमा सम्पन्न भएको हो । सो कार्यक्रममा युवा अवस्थादेखि नै बुद्धिमानि पूर्वक पैसा व्यवस्थापन गर्न सिक्न, यसले भविष्यको लागि बचत गर्न र परिवारमा आर्थिक सहयोग पुर्‍याउन मद्धत गर्ने बैंकले विश्वास लिएको छ । साथै किशोर किशोरी तथा युवा युवतीको वित्तीय ज्ञान, सीप, मनोविर्ति र व्यहवारमा सुधार ल्याई वित्तीय सक्षमता अभिबिर्दिका माध्यमले विबेकशिल निर्णय लिन सघाउने र यसको माध्यमबाट हरेक व्यक्तिको आर्थिकमा योगदान गर्नु यो कार्यक्रमको मुख्य उदेश्य रहेको बैंकले जनाएको छ ।

भारतको पन्जाव नेशनल बैंकसंग संयुत साझेदार रहेको तथा स्थापना काल देखि नै ग्राहकहरुको पहिलो रोजाईको यस बैंकमा हालसम्म करिब १३ लाख भन्दा बढि सन्तुष्ट ग्राहकहरु रहेका छन् तथा देशै भरि छरियर रहेको आफ्नो १२४ शाखा संजाल, ३ एक्सटेन्सन काउन्टर, ७ प्रदेशिक कार्यालय , १६० एटियम सहित विश्वब्यापी नेट्वोर्कबाट अत्याधुनिक मोबाईल, ईन्टरनेट र एसएमएस बैंकिङ्ग सुबिधा प्रदान गर्दै आइरहेको छ । यस बैंकले नेपाल सरकारको राजश्व संकलनको लागि ३२ वटा संकलन केन्द्रबाट समेत सेवा दिँदै आइहेको छ ।