ताजा अपडेट »

सिर्जनशील समाजको स्थापना दिवसमा सरसफाई

विहीबार, २४ पुस २०७६, १२ : २८
12 Shares
विहीबार, २४ पुस २०७६
12 Shares

पुस २४,

ग्लोबल आवाज

तिलोत्तमा । स्थापना दिवसको अवसरमा तिलोत्तमा–४ मा क्रियाशील सामाजिक संस्था तिलोत्तमा सिर्जनशील समाजले सरसफाई कार्यक्रम गरेको छ । खुला शुन्य पोलोथिन अभियानलाई सघाउन वडा नं. ४ सँगको सहकार्यमा समाजले सरसफाई गरेको हो । ड्राइभरटोल चोकमा गरिएको कार्यक्रममा जनप्रतिनिधिहरुको पनि सहभागिता रहेको थियो ।

तिलोत्तमा नगर प्रमुख बासुदेव घिमिरेको प्रमुख आतिथ्यतामा भएको कार्यक्रममा वडाध्यक्ष दिवाकर ढकालले कार्यक्रमको औचित्यको बारेमा प्रष्टाए । सोही अवसरमा धार्मिक सहिष्णुता र भ्रमण वर्षको प्रचारका लागि देवघाटदेखि लुम्बिनीसम्मको साइकल यात्रा गरेका चितवनका एक दम्पतीलाई स्वागत समेत गरिएको थियो । भरतपुर महानगरपालिका १ पोखरा बसपार्ककी रुक्मिणी सापकोटा घिमिरे र केशव घिमिरेले ३ दिने साइकल यात्रा गरेका हुन् । धार्मिक पर्यटकीयस्थल देवघाटको मन्दिरमा पूजा गरी यात्रामा निस्किएको साइकल यात्री रुक्मिणीले बताइन् । उनका अनुसार देवघाटबाट भरतपुर २ लिलाचोकमा रहेको मस्जितमा आएर त्यहाँबाट लुम्बिनी यात्रा तय गरिएको हो । नेपाल भ्रमण वर्ष २०२० र धार्मिक सहिष्णुता तथा पर्यावरणका लागि साइकल यात्रामा निस्किएको उनले बताइन् ।

पुस २५ गतेदेखि २६ गतेसम्म नारायणगढ, हेटौंडा र चितवनको पर्यटकीय क्षेत्र मेघौलीको यात्रा गर्ने पनि जनाइएको छ । १० वर्ष पहिलेदेखि साइकल यात्रा गर्दै आएका दम्पत्तिले यसअघि मुक्तिनाथ, वेनी, वन्दीपुर, काठमाडौं, सिन्धुली लगायतका स्थामा पुगिसकेका छन् भने चितवनको पर्यटकीय क्षेत्र सिराइचुली, उपरदाङगढी लगायतका स्थानमा पनि साइकल यात्रा गरिसकेका छन् ।
पर्यटन प्रवर्द्धनसँगै स्वास्थ्यका लागि र पर्यावरणका लागि पनि साइकल यात्रा महत्वपूर्ण रहने उनीहरूको भनाई छ । विभिन्न जिल्लाको यात्रा गरिसकेका दम्पत्तिले कुनै कार्यक्रममा निमन्त्रण आए आयोजकले खर्चको व्यवस्था गर्ने गरे पनि धेरै जसो खर्च भन् आफैँ गर्ने गरेको बताए ।

प्रतिघण्टा १५ किलो मिटरसम्म यात्रा गर्ने गर्दछन् भने एक दिनमा १५० किलो मिटरसम्म साइकल यात्रा गरेको रुक्मिणीले बताइन् । सडकमा साइकल लेन नहुनु तथा साइकलको फाइदाबारे मानिसलाई जानकारी नहुँदा साइकल यात्रीको संख्या बढ्न नसकेको उनको भनाई छ ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।