नागरिक लगानी कोषको ३३ औँ वार्षिकोत्सव अवसरमा बुटवल शाखाद्वारा शुभकामना आदानप्रदान

बुटवल । नागरिक लगानी कोष स्थापनाको ३३औँ वर्षमा प्रवेश गरेको छ । ३३औँ वर्षमा प्रवेश गरेको अवसरमा बुटवल शाखाले शुभकामना आदानप्रदान गरेर वार्षिकोत्सव मनाएको छ ।

Advertisement

कार्यक्रम शाखा प्रमुख  जय प्रकाश साहको अध्यक्षता र रुपन्देहीका प्रमुख जिल्ला अधिकारी  भरतमणी पाण्डेको प्रमुख आथित्यतामा शुक्रबार सम्पन्न भएको हो । शुभकामना कार्यक्रममा बोल्दै प्रमुख जिल्ला अधिकारी  भरतमणी पाण्डेले सेवालाई अझ प्रभावकारी रुप अघि बढाउन आग्रह गर्दै शुभकामना व्यक्त गरे । साथै शाखा प्रमुख जय प्रकाश साहले नागरिक लगानी कोष बुटवल शाखालाई उत्कृष्ट शाखा बनाउने गरि काम गर्ने बताए ।

कार्यक्रममा बुटवल उपमहानगरपालिकाका निमित्त प्रमुख प्रशासकीय अधिकृत मित्रमाणी खनाल, लुम्बिनी वाणिज्य क्याम्पसका प्रमुख तारानाथ उपाध्यय र सञ्चय कोष बुटवल शाखा प्रमुख अर्जुनप्रसाद उपाध्यय लगाएतको सहभागीले शुभकामना व्यक्त गरेका थिए ।

मन मोहन मिश्रको स्वागत मन्तव्यमा भएको कार्यक्रमको संचालन प्रकाश गौतमले गरेका थिए । बुटवल शाखाले २०७८ साउन २० गते देखि निरन्तर सेवा प्रवाह गर्दै आइरहेको छ।