होराइजन स्पोर्टस् पुरूष भलिबलमा प्रथम, महिला भलिबलमा द्वितीय

बुटवल । बुटवलस्थित न्यू होराइजन स्पोर्ट्स क्लब बुटवल कालिकानगरले प्रथम र द्धितीय उपाधि हात पारेका छ । बुटवलमा हालै सम्पन्न लाफा समुहद्वारा आयोजित बुटवल उपमेयर कप पुरूष भलिवल प्रतियोगिताको उपाधि हात पारेको हो ।

यस्तै तिलोत्तमा नगरपालिकाद्वारा आयोजित उपमेयर कप महिला भलिवल प्रतियोगितामा द्वितीय स्थान हासिल गरी उत्कृष्ट नतिजा निकालेको हो । पुरूष भलिवलमा ४५ हजार र महिला भलिवलमा ४१ हजार नगद पुरस्कार हात पारेको हो । पुरूष भलिवलमा उपविजेता आयोजक लाफा समूह र महिला भलिबलमा एभरेष्ट भलिवल क्लव विजेता रहेको थियो । न्यू होराइजन बुटवलले शैक्षिक क्षेत्रको उत्कृष्टतासँगै खेल क्षेत्रमा पनि आफ्नो अग्रता कायम गर्दै आइरहेको विद्यालयका प्लस टु संयोजक प्रकाश खनालले जानकारी दिए ।