तिलोत्तमा ६ मा शवदाह गृह निर्माणका लागि समिती गठन

तिलोत्तमा । तिलोत्तमा नगरपालीका वडा न ६ मा शवदाह गृह निर्माण सम्बन्धी प्रारम्भिक समिती गठन भएको छ । सोमवार गठित समितीले वडा ६ मा रहेका सार्वजनिक जग्गा मध्ये शवदाह निर्माणका लागि उपयुक्त जग्गा छनोट गरी दाहसंस्कार गर्नका लागि वडामै शवदाह गृह बनाउने भएको हो ।

Advertisement

उक्त समिती गठनका लागि वडामा बसेको भेलामा बोल्दै वडाध्यक्ष गणेश पाठकले शवदाह गृह बनेपछि स्थानियलाई सुविधा हुने बताए । उनले वडा ६ मा नै तिलोत्तमा कोरिडोर बन्ने भएकाले कोरिडोरलाई ख्याल गर्दै शवदाह बनाउन खाका कोर्ने बताए । शवदाह गृह वडा ६ मा बन्नु तिलोत्तमा बासीकै लागि सहज स्थान हुने समेत उनले बताए । अध्यक्ष पाठकले मृतक आफन्तको अन्तिम संस्कार गर्न टाढा सम्म धाउनुपर्ने बँध्यताको अन्त्य पनि यस शवदाह गृहले गर्ने विश्वास व्यक्त गरे ।

त्यस्तै, भेलामा बोल्दै समाजसेवी रोमणी प्रसाद पाठकले शवदाह गृह अहिलेको आवश्यकता रहेको बताए । उनले तिलोत्तमा घाट नदी किनारमा गृह बने सबैलाई सहज र सुविधायुक्त हुने बताए । उक्त गृह बनाउंदा संघीय देखि स्थानिय तहको बजेट बाहेक वडाबासीको श्रम, बजेट मिसाएर बनाइएमा राम्रो , अपनत्व झल्किने खालको बन्ने बताए ।

अर्का समाजसेवी अर्जुनराज उपाध्यायले वडाध्यक्षले ल्याएको प्रस्ताव प्रशंसनीय रहेको बताए । उनले समितीले जग्गाको छिटो खोजी गरी सबैको सहयोग र सहकार्यमा काम अगाडि बढाइहाल्नुपर्ने बताए । यसले छिमेकी पालीका र जिल्लावासीलाई नै सहयोग पुु्याउने उनको भनाई थियो ।

साथै भेलामा भएको छलफलमा कार्यपालीका सदस्य नरबहादुर छन्तेल, झरना स्पोर्टस क्लबका पुर्व अध्यक्ष लोक पुन, समाजसेवी शिव पाठक, अनिल चापागाईं, राधिका पुन लगायतले बोल्दै वडामा बन्ने पुर्वाधारले वडाबासी मात्र नभई सबैलाई पवित्र नदी तिनाउको सेरोफेरोमा अन्तिम संस्कारको दायित्व पुरा गर्ने वातावारण बनाउने बताए । भेलाबाट वडाध्यक्षको संयोजकत्वमा १२ सदस्यीय समिती गठन भएको वडाका प्रतिनिधी देवी न्यौपानेले जानकारी दिए ।