सैनामैनाको विकास लुम्बिनीसँग जोडेर गर्ने हो: मन्त्री चौधरी

मंसिर १५,

ग्लोबल आवाज

सैनामैना । सैनामैनाको विकास गर्दा अव लुम्बिनीसँग जोडेर गरिने प्रदेश ५ का भौतिक पुर्वाधार विकास मन्त्री बैजनाथ चौधरीले बताएका छन् । सैनामैना नगर विकास समितिका पदाधिकारीहरुको पदास्थापना कार्यक्रममा बोल्दै शान्तिका अग्रदुत गौतमको काखमा रहेको सैनामैेनालाई सवैले अपनत्व बोध हुने गरि विकास गरिने जिकिर गरे ।

तिनै तहका सरकारले विकासका कामलाई तिव्रता दिएको दावि गर्दै मन्त्री चौधरीले समृद्ध नेपाल निर्माण गर्न जनप्रतिनिधीको एकल प्रयासले नहुने बताए । आफ्नो निर्देशन बमोजिम सैनामैना नगरपालिकाले चक्रपथ निर्माणको कामलाई तिव्रता दिएकोप्रति खुशी ब्यक्त गर्दै भौतिक पुर्वाधार मन्त्री चौधरीले सैनामैना खेलकुदको उर्वराभुमी भएकोहुदाँ खेलकुद मैदानका लागि प्रदेश सरकारले आवश्यक पर्ने सहयोग गर्ने प्रतिबद्धता व्यक्त गरे ।

फरक प्रसँगमाा चौधरीले वर्तमान सरकारले गरेका राम्रो कामलाई पनि नराम्रो भनि भ्रम फैलाउनेहरुको पछाडि नलाग्न सवैलाई आग्रह गरे । उनले भने– ‘सैनामैना बुद्धकालिन सभ्यतासँग जोडिएको नगरपालिका हो, यसको विकास लुम्बिनीसँग जोडेर गरिने छ ।’ सैनामैनामा ५ देखि ६ करोडको लागानिमा स्मार्ट सौचालय बनाईने, खेलमैदान, फोहोरमैला ब्यवस्थापनका लागि रकम विनियोजन गरिएको मन्त्री चौधरीले जानकारी दिए । यस्तै कार्यक्रममा प्रदेश सभाका सदस्य तथा नेकपका प्रमुख सचेतक भुमिश्वर ढकालले सैनामैनाको विकासका लागि प्रदेश सरकारले सहयोग गरिरहेको बताए ।

नमुना सैनामैना बनाउन नगरपालिकाले विभिन्न कानुन, गुरुयोजना समेत तयार गरिसकेको भन्दै अवको विकासका अनुभुती जनताले गर्न पाउने उल्लेख गरे । कार्यक्रममा प्रदेश सभा सदस्य कमलादेवि विश्वकर्माले सैनामैनाले पुर्वाधारको विकासमा मात्र नभई महिलाको क्षेत्रमा पनि महत्वपुर्ण काम गर्दै आएको बताइन् । सर्वपक्षीय निर्णय अनुसार नगरपालिकाले कार्यहरु सम्पादन गर्दै आएको नेपाली कांग्रेसका उपसभापति फणिन्द्र प्रसाद शर्माले बताए ।

कार्यक्रममा सैनामैना नगरपालिकाका मेयर चित्र बहादुर कार्कीको संयोजकत्वमा नवगठित नगर विकास समितिको सदस्यहरुमा खुशीराम चौधरी, मिन प्रसाद पौडेल, नारायण न्यौपाने, राम प्रसाद अधिकारी, सुनिल मरासिनी, डोलराज भण्डारी, पर्शुराम सापकोटा, रामशरण न्यौपाने, जिल्ला समन्वय समिति, जिल्ला प्रशासन कार्यालय प्रतिनिधी, मालपोत कार्यालय बुटवलका प्रतिनिधी र सदस्य सचिब नगरपालिकाका प्रमुख प्रशासकीय अधिकृत कृष्ण प्रसाद भण्डारी लगायतले पदभार ग्रहण गरेका छन् ।