२ जेष्ठ २०७९, सोमबार

May 16, 2022

मंसिर ११,

Advertisement

काठमाडौँ । नेपाली नागरिकको मिलोमतोमा चिनियाँ नागरिकले एटीएम प्रणाली ह्याक गरेर ठूलो मात्रमा रकम निकालेपछि फैलिएको त्रास अझै कामय छ । उक्त घटना भएलगतै बैंकहरुले एटीएम मेसिनबाट रकम झिक्ने रकममा समेत कमी गरेका थिए । दिनमा एक लाखसम्म झिक्न सकिने व्यवस्थालाई परिवर्तन गरी दैनिक ६० हजार मात्र झिक्न पाउने व्यवस्था गरेका थिए । अहिले पनि सर्वसाधारणले एकपटकमा २० हजारभन्दा बढी र दिनमा ६० हजारभन्दा बढी एटीएमबाट रकम झिक्न पाउँदैनन् । 

बैंकहरुले ह्याकरको त्रास कायम रहेको भन्दै एटीएम मेसिनबाट दैनिक ६०  हजारभन्दा बढी रकम झिक्न मिल्ने व्यवस्था गर्न नसकिएको बताउँछन् । केही बैंकले एटीएमबाट पहिलेजस्तै दैनिक १ लाखसम्म झिक्न पाउने प्रस्ताव राष्ट बैंकमा गरे पनि राष्ट बैंकले त्यस्तो प्रस्ताव ठाडै अस्वीकार गर्दै आएको बैंकरहरु बताउँछन् ।  यता, ह्याकरको डरले बैंकहरुले एटीएम मेसिनमा सुरक्षाकर्र्मीको निगरानी बढाएका छन् । बैंकरहरुले पछिल्लो समय एटीएम मेसिनमा थप सुरक्षाकर्मीको व्यवस्था गरेका छन् । एटीएम ह्याकपछि बैंकहरुको नियमन गर्ने निकाय राष्ट बैंकले एटीएम मेसिन रहेको स्थानमा सुरक्षाकर्मी अनिवार्य रुपमा राख्नुपर्ने बाध्यकारी व्यवस्था गरेपछि सुरक्षाकर्मीको निगरानी बढाउन बैंक बाध्य भएका हुन् । एटीएम मेसिनमा सुरक्षाकर्मी बढाएसँगै बैंकको खर्च पनि उल्लेखनीय रुपमा बढ्न पुगेको बैंकरहरु बताउँछन् । एटीएम ह्याक भएसँगै उक्त घटनाको अध्ययन गर्न राष्ट्र बैंकले भुक्तानी प्रणाली विभाग प्रमुख बमबहादुर मिश्रको संयोजकत्वका एक समिति गठन गरेको थियो  ।

समितिले तीन दिन लगाएर प्रतिवेदन बुझाएको थियो । प्रतिवेदनमा सुरक्षा व्यवस्थाको कमी भएको उल्लेख छ । त्यसै प्रतिवेदनलाई आधार मानेर केन्द्रीय बैंकले बैंकहरुलाई एटीएम बुथमा सुरक्षाकर्मी बढाउन निर्देशन दिएको थियो । उक्त समितिले दिएको प्रतिवेदनलाई आधार मानेर एटीएमबाट पैसा निकाल्ने सीमा घटाइएको हो ।  पहिले दिनमा १ लाखसम्म एटीएमबाट निकाल्न सकिने व्यवस्था थियो भने अहिले ६० हजार रुपैयाँ मात्र निकाल्न सकिने व्यवस्था गरिएको बैंकर बताउँछन् । एकैपटक ठूलो रकम निकाल्न पाउने सुविधाले जोखिम बढेको भन्दै राष्ट बैंकले एटीएमबाट बढी रकम निकाल्न अंकुश लगाएको थियो । करिब साढे दुई महिना अघि नेपालीको मिलेमतोमा चिनियाँ नागरिकले एटीएम ह्याक गरेर विभिन्न १३ वटा बैंकको एटीएमबाट करिब ३ करोड ५८ लाख रुपैयाँ चोरी गरेका थिए । उक्त एटीएम ह्याकमा संलग्न चिनियाँ नागरिकलाई पक्राउ गरेर जेल चलान गरिए पनि त्यस्तै कार्यमा संलग्न अन्य व्यक्तिबाट हुन सक्ने चोरीबाट बच्न विशेष सुरक्षा अपनाइएको राष्ट बैंकका एक उच्च कर्मचारीले बताए ।

चिनियाँ ह्याकरले विभिन्न ९ वटा बैंकको एटीएम कार्डमार्फत १३ वटा बैंकको एटीएम मेसिनमार्फत रकम चोरी गरेका थिए । उनीहरुले नेपाल र भारतका एटीएमबाट चोरी गरेका थिए । नेपालबाट १ करोड ८९ लाख र भारतबाट १ करोड ६९ लाख रुपैयाँ चोरी भएको थियो । नेपालबाट चोरी भएकोमध्ये करिब सबैजसो रकम प्रहरीले जफत गरिसकेको छ । एटीएम प्रणाली ह्याक सम्बन्धमा सिंगापुरको फरेन्सिक भनिने टोलीले पनि अध्ययन गरिरहेको छ । उक्त टोलीले प्रतिवेदन बुझाउने तयारी गरिरहेको छ ।  उक्त टोलीले एटीएमबाट पैसा चोरीका घटनामा कहाँ, कस्तो र कुन स्तरको कमी कमजोरी भएको छ पत्ता लगाएर अध्ययन प्रतिवेदन सार्वजनिक गर्दै छ ।- आर्थिकन्युज

प्रतिकृया दिनुहोस्

Flash News

ओलीले राम नेपालमा जन्मेको दाबी गरिरहँदा मोदीले भने– भारतमा भव्य राम मन्दिर बन्दा नेपाली पनि उत्तिकै खुसी छन् २२ वर्षीय राजाबाबुले गाउँपालिका अध्यक्ष जिते मोदीको भ्रमणले लुम्बिनीलाई विश्वभर थप परिचित तुल्याउँछ : प्रम देउवा बुटवलमा खेलराज पाण्डेय बाबुराम भट्टराई भन्दा २१६३ मतले अघि छत्रदेव गाउँपालिकाको अध्यक्ष कांग्रेस र उपाध्यक्ष एमालेले जित्यो कतै १ भोट, कतै शून्य तिलोत्तमामा चापागाईँ खाँण भन्दा ८ मतले अघि चुनाव चिन्ह दाङमा दुई पालिकाका र ३९ वडाको नतिजा सार्वजनिक भक्तपुरमा नेमकिपाको ‘क्लिन स्विप’ विजयी उत्सव मनाउन आउँदै गरेको गाडीमा करेन्ट लागेर मृत्यु हुनेको सनाखत एमालेले सत्ता गठबन्धनमाथि लगाएको आरोपप्रति कांग्रेसको आपत्ति, ‘नतिजाले एमाले अत्तालियो’ भारतीय प्रधानमन्त्री माेदीकाे भ्रमणले लुम्बिनी क्षेत्रका बजार बन्द देउवा र मोदीद्वारा संयुक्त रुपमा ‘बुद्धिस्ट कल्चर एण्ड हेरिटेज सेन्टर’ को शिलान्यास शुद्धोधन गाउँपालिका–४ को वडाध्यक्षमा कांग्रेसका अधिकारी विजयी विजयी उत्सव मनाउन आउँदै गरेको गाडीमा करेन्ट लागेर २ जनाको मृत्यु स्थापितभन्दा बालेन २८७५ मतले अगाडि गोरखामा एमाले उम्मेदवार १ मतअन्तरले विजयी भएपछि तनाव, सर्वदलीय बैठक बस्दै लुम्बिनी आएर भारतीय प्रधानमन्त्री मोदीले भने– न्यानो स्वागतको लागि धन्यवाद प्रधानमन्त्री देउवा र भारतीय समकक्षी मोदीले मायादेवी मन्दिरमा एकसाथ गरे प्रार्थना