मंसिर ८,
ग्लोबल आवाज
बुटवल । विश्व अन्तर्राष्ट्रिय दण्डहिनता विरुद्धको दिवसका अवसरमा नेपाल पत्रकार महासंघ प्रदेश नं. ५, महासंघ रुपन्देही शाखा र मानव अधिकार तथा शान्ति समाज रुपन्देहीको संयुक्त आयोजनामा सचेतना र्याली सम्पन्न भएको छ । पत्रकार महासंघ रुपन्देही शाखाको कार्यालय प्राङ्गणबाट सुरु भएको र्याली जेसीस चोकमा आएर कोणसभामा बोल्दै मानव अधिकार तथा शान्ति समाजका केन्द्रिय वरिष्ठ उपाध्यक्ष गोविन्द खनालले मुलुकमा अझै पनि दण्डहिनता काएम रहेकोमा चिन्ता व्यक्त गरे ।
दश वर्षसम्मको गृह युद्ध, मधेश आन्दोलन तथा विभिन्न समयमा भएका आन्दोलन र द्वन्दका पिडितहरुले अझै पनि न्याय नपाएको कुरा उल्लेख गर्दै उनले समृद्ध मुलुकका लागि मानव अधिकारको सुनिश्चितता र शान्ति आवश्यक रहेको बताए । कार्यक्रममा उपस्थित नेपाल पत्रकार महासंघ प्रदेश ५ का उपाध्यक्ष भरत केसीले मानव अधिकार तथा शान्तिका बारेमा कलम चलाउन आग्रह गरे ।
कार्यक्रममा पत्रकार महासंघ रुपन्देही शाखाका कार्यवहाक अध्यक्ष दिनेश पाण्डे, उपाध्यक्ष निरु गौतम, मानव अधिकार तथा शान्ति समाज रुपन्देहीका अध्यक्ष डि. पी. खनाल लगायतको उपस्थिती रहेको थियो । कार्यक्रमको सञ्चालन महासंघ रुपन्देहीका सह सचिव विनोद परियारले सञ्चालन गरेका थिए ।
युनिकोड
मिति रूपान्तरण
ग्लोबल आवाज
प्रतिक्रिया