सैनामैना प्रमुखमा गठबन्धनका शर्मा, उप-प्रमुखमा एमालेकी राना

भैरहवा । आज सम्पन्न रुपन्देहीको सैनामैना नगरपालिकाको प्रमुखमा नेपाली कांग्रेसका फणेन्द्र प्रसाद शर्मा विजयी भएका छन । उनले निर्वतमान नगर प्रमुख चित्र बहादुर कार्कीलाई ५ सय ८२ मतले पराजित गरेका हुन् । शर्माले १५ हजार ६ सय ८६ मत प्राप्त गर्दा उनका निकटतम प्रतिद्धन्द्धी नेकपा एमालेका चित्र बहादुर कार्कीले १५ हजार १ सय ४ मत मात्र प्राप्त गरे ।

उपप्रमुखमा एमालेकी बिना राना १५ हजार ७ सय ६२ मत ल्याउदै विजयी घोषित भएकी छन । उनका निकटतम प्रतिद्धन्द्धी गठबन्धनका तर्फबाट नेकपा माओवादीका उम्मेदवार मान बहादुर महतले १३ हजार ७ सय २० मत ल्याए । वडा नम्बर १ मा माओवादीका भुवन बहादुर क्षेत्री २ हजार ३ सय ९१ मत ल्याई विजयी हुँदा उनका निकटतम प्रतिद्धन्द्धी एमालेका केहर सिंह गलामी थापाले २ हजार १ सय ६९ मत पाए ।

वडा नम्बर २ मा नेकपा एमालेका अम्मर बहादुर कडेल विजयी भएका छन । कडेलले ९ सय ४५ मत प्राप्त गरे भने उनका निकटतम प्रतिद्धन्द्धी कांग्रेसका प्रेम कुमार शर्माले ८ सय ५६ मत ल्याए । यस्तै वडा नम्बर ३ मा नेकपा एमालेका तम बहादुर पुर्जा १ हजा ३ सय ९६ मत ल्याई विजयी भएका छन । उनका निकटतम प्रतिद्धन्द्धी माओवादीका दिपक भण्डारीले ७ सय २५ मत पाए ।

वडा नम्बर ४ मा नेपाली कांग्रेसका राम प्रसाद अधिकारी विजयी भएका छन । उनले २ हजार १ सय ८३ मत पाउदा उनका निकटतम प्रतिद्धन्द्धी एमालेका पिताम्बर न्यौपानेले १ हजार ७ सय १५ मत प्राप्त गरे । वडा नम्बर ५ मा एमालेका धन प्रसाद पौडेल १ हजार ४ सय ६० मत ल्याई विजयी भएका छन । उनका निकटतम प्रतिद्धन्द्धी माओवादीका राजेन्द्र घिमिरेले १ हजार २ सय ९७ मत प्राप्त गरे ।

वडा नम्बर ६ मा नेपाली कांग्रेसका गोपाल पोख्रेल १ हजार ८ सय २२ मत ल्याई विजयी भएका छन । उनका निकटतम प्रतिद्धन्द्धी एमालेका खडग बहादुर कुंवरले १ हजार ६ सय ६० मत पाए । वडा नम्बर ७ मा पनि कांग्रेसकै राज कुमार चौधरी विजयी भएका छन ।

चौधरीले १ हजार १० मत प्राप्त गर्दा उनका निकटतम प्रतिद्धन्द्धी माओवादीका रामनाथ न्यौपानेले ९ सय ६७ मत पाएका थिए ।
वडा नम्बर ८ मा नेकपा एमालेका बुद्धिराम चौधरी थारु १ हजार २ सय १९ मत सहित विजयी घोषित भएका छन । उनका निकटतम प्रतिद्धन्द्धी कांग्रेसका महोदत्त ढकालले १ हजार ३ मत प्राप्त गरे । वडा नम्बर ९ मा एमालेकै भानुभक्त पाण्डे विजयी भएका छन । उनले १ हजार १ सय ४९ मत पाउदा उनका निकटतम प्रतिद्धन्द्धी माओवादीका बेदराज भण्डारीले ९ सय ७८ मत पाए ।

वडा नम्बर १० मा एमालेकै कृष्ण प्रसाद घिमिरे १ हजार ७ सय १२ मत पाएर विजयी भएका छन । उनका निकटतम प्रतिद्धन्द्धी कांग्रेसका शेर बहादुर थापाले १ हजार ५ सय ८६ मत प्राप्त गरे । वडा नम्बर ११ मा एमालेकै उम्मेदवार राम प्रसाद भुषाल १ हजार ६ सय ५ मत सहित विजयी हासिल गर्दा उनका निकटतम प्रतिद्धन्द्धी कांग्रेसका हिमलाल अर्यालले १ हजार ४ सय ४८ मत पाए ।