बुटवल । रुपन्देहीको देवदह नगरपालिकामा नेपाली कांग्रेस माओवादी गठबन्धनका बिरुद्ध नेकपा एमालेले जित निकाल्ने अवस्थामा पुगेको छ।
पछिल्लो मत परिणाम अनुसार एमालेका नगर प्रमुख उम्मेदवार ध्रुव प्रसाद खरेलले १ हजार २ सय मतान्तरले अग्रता लिई रहेका छन्।
बिहान ७ बजे सम्म गणना भएको ३३ हजार मत मध्ये नेकपा एमालेका उम्मेदवार ध्रुव खरेलले ११ हजार ३ सय ८८ मत पाएर अग्रता लिई रहेका छन भने गठबन्धनको तर्फबाट उम्मेदवार बनेका नेपाली कांग्रेसका हिरा बहादुर खत्रीले १० हजार १ सय ८८ मत पाएका छन्। खत्री यसअघि देवदह नगरपालिकाका प्रमुख हुन।
त्यसैगरी नगर उप-प्रमुख पदमा नेकपा एमालेकी बिद्यालक्ष्मी गुरुङ गठबन्धनबाट उम्मेदवार बनेकी सुन्दरी गिरी भन्दा ५ हजार ६ सय ३३ मतले अगाडी छन्। बिद्यालक्ष्मी गुरुङले १२ हजार १ सय ८ मत पाउदा गिरीले ६ हजार ४ सय ७५ मत पाएकी छन्। गुरुङ यसअघि समेत उपप्रमुखमा निर्वाचित भएकी थिईन्।
४८ हजार २ सय ९१ मत खसेको देवदह नगरपालिकाको ३३ हजार मत गणना भई सकेको छ। बांकी रहेका वडामा नेकपा एमालेको बलियो गढको रुपमा रहेकोले आफूले जित निकाल्ने दावी एमालेको छ।
प्रतिक्रिया