इन्डो नेपाल क्रिकेट टूर्नामेन्टको उपाधि उस्कालाई

भैरहवा । लुम्बिनीमा जारी चौथो इन्डो नेपाल क्रिकेट प्रतियोगिता एमएफसी उस्का बजारले हाथ पारेको छ । आयोजक लुम्बिनी नव युवा क्लबलाइ २६ रनले हराउदै उस्काले उपाधी जितेको हो ।

यस संगै उस्काले १ लाख २५ हजारको नगद पुरस्कार प्राप्त गरेको छ । टस हारेर ब्याटिङको निम्तो पाएको उस्काले १४ दशमलव ४ बलमा अल आउट हुँदै २ सय १३ रन बनाएको थियो । उस्काका लागि मुलायमले ६१ रन र ५० रनको योगदान गरेका थिए । यस्तै उस्काका लागि सचिनले ३९ रन बनाए । बलिङ तर्फ आयोजक लुम्बिनी नव युवा क्लबका बैतुल्लाहले ४ विकेट लिए पनि त्यो जितका लागि प्रयाप्त रहेन । यस्तै गङेशले २ विकेट र रवि यादवले १ विकेट लिए ।

२ सय १४ रनको लक्ष्य लिएर मैदान आएको आयोजक १५ ओवर खेल्दै ८ विकेटको क्षतिमा १ सय ८७ रन मात्र बनाउन सक्यो । उसका लागि मनौवर खानले ४९ रन बनाए । यस्तै पंकजले २७ र बिट्टु तिवारीले २४ रन बनाए । बलिङतर्फ उस्काका प्रविनले ३ विकेट, जितेन्द्र र दुर्गेशले समान २र२ विकेट लिएका थिए ।

फागुन २१ गते बाट आयोजना भईरहेको प्रतियोगितामा नेपालका १६ र भारतका १६ गरि ३२ वटा क्रिकेट टिमले सहभागीता जनाएका थिए ।
प्रतियोगिताको बेस्ट ब्यट्सम्यान सचिन, बेस्ट बलर गङेश कुमार, मैन अफ द सिरिज प्रविन गिलले प्राप्त गरे ।