७० लाख लागतमा थारु संग्रालय भवन निर्माण

परासी । पश्चिम नवलपरासीको सरावलमा थारु संग्राहलय स्थापना गरिएको छ । थारु कल्याणकारिणी सभा नवलपासीको नेतृत्वमा सरावल–१ तुल्सिनगरमा स्थापना गरिएको संग्रालय तथा थारु मिलन केन्द्रको नवनिर्मित भवनको शनिबार उद्घाटन गरिएको छ ।

Advertisement

भवनको एक समारोहकाबीच थारु नेता एव्ं पूर्व भूमिसुधार मन्त्री डा।गोपाल दहितले उद्घाटन गरेका थिए । भवन उद्घाटन गर्दै पूर्वमन्त्री दहितले संग्राहलयको माध्यमबाट थारु संस्कृति र पहिचानको संरक्षण हुने विश्वास व्यक्त गर्नुभयो । उनले सबै थारु समुदायलाई एकजुट हुन पनि आह्वान गरे ।

रु ७० लाखको लागतमा सरावल–१ तुलसीनगरमा संग्रालय भवन निर्माण भएको थारु कल्याणकारीणी सभाका जिल्ला अध्यक्ष मुन्द्रिका चौधरीले जानकारी दिए । दहित मन्त्री हुँदा रु २५ लाख विनियोजन गर्नुभएको थियो भने सरावल गाउँपालिका तथा थारु समुदायको सहयोग र श्रमदानबाट संग्रालय भवन निर्माण गरिएको उनले बताए ।

संग्रालयमा थारु संस्कृति र पहिचान झल्कीने थारु भेषभुषा, थारु परिकार, थारु सामाग्री राखिने उनले बताए । भर्खर भवन निर्माण कार्य सकिएकाले केही सामाग्री मात्र राखिएको अब विस्तारै संग्राहालयलाई व्यवस्थिगत गरिने छ ।

कार्यक्रममा सरावल गाउँपालिका अध्यक्ष राधेश्याम चौधरीले थारुको भाषा संस्कृति संरक्षणमा गाउँपालिकाले सहयोग गरिरहेको बताए । पश्चिम नवलपरासीको सरावलमा थारु समुदायको बाक्लो बस्ती छ । आधुनिकताले विस्तारै पुराना परम्परा लोप हुँदै जान थालेकाले थारु संग्राहलय मार्फत त्यसको संरक्षण गर्न थालिएको थारु अगुवाहरुले बताएका छन् ।