अर्घाखाँची हाईस दुर्घटनाप्रती प्रदेश सभा सदस्य घिमिरेद्वारा दु:ख व्यक्त

बुटवल । अर्घाखाँचीको शितगंगा नगरपालिका-३, ठाडामा शनिबार भएको हाईस दुर्घटनाप्रती लुम्बिनी प्रदेश सभा सदस्य रामजीप्रसाद घिमिरेले दु:ख व्यक्त गरेका छन । घिमिरेले सडकको नमूना जिल्लाको रुपमा रहेको अर्घाखाँचीमा सवारी दुर्घटनाका खबर आउनु दुखद भएको बताए । हाईस दुर्घटनामा परि मृत्युु हुने भुमिकास्थान-९ ढिकुराका सञ्जय बिक प्रती गहिरो श्रद्धाञ्जली अर्पण सहित घाइतेहरुको शिघ्र स्वास्थ्य लाभको कामना गरेका छन् ।

काठमाडौबाट सन्धिखर्क आउँदै गरेको बा ३ ख ८६३९ नम्बरको मिनीबस शनिबार बिहान ५ बजेतिर ठाडामा दुर्घटना भएको थियो। दुर्घटनामा ८ जना घाइते भएका थिए। घाईतेलाई प्राथमिक स्वास्थ्य केन्द्र ठाडामा सामान्य उपचारपछि थप उपचारका लागि लुम्बिनी प्रादेशिक अस्पताल बुटवल पठाईएको थियो। हाईस सडकबाट झन्डै ४ सय मिटर तल खसेको थियो।