काठमाडौँ । निर्वाचन आयोगले दल दर्ता गर्दा हस्ताक्षर छुटेका सांसद तथा केन्द्रीय सदस्यलाई सनाखत नगर्ने भएको छ ।नेकपा एमालेबाट बिभाजन भएर नयाँ दलप नेकपा एकीकृत समाजवादी दर्ता प्रक्रियामा आज निर्वाचन आयोगले सनाखतका लागि आयोगले बोलाएको छ ।आयोगले बिहान ११:३० देखि २ बजेसम्म आयोगमा स्वयं उपस्थित भएर सनाखत गर्न भनेको छ ।
आयोगले स्वयं उपस्थित हुनुपर्ने र दर्ता गर्दा हस्ताक्षर भएको हुनुपर्ने भनेपछि हाल भारतको नयाँ दिल्लीमा उपचाररत नेता झलनाथ खनालसहित चार जनाको सनाखत नहुने भएको हो । यसले नेपाल पक्षको संसदीय दलमा २० प्रतिशत नपुग्ने भएको छ ।
आयोगले संसद सचिवालयलाई पत्र लेख्दै एमालेको हाल कायम रहेका सांसदहरुको संख्याको जानकारी मागेको र संसद सचिवालयले एमालेका प्रतिनिधि सभामा १२१ र राष्ट्रिय सभामा ३३ सदस्य गरी कुल १५४ सदस्य रहेको विवरण पठाएको बुझिएको छ । यसरी नेपाल पक्षलाई संसदीय दलमा २० प्रतिशत पुर्याउन ३१ सदस्य आवश्यक पर्ने भए पनि दल दर्ता गर्दा ३१ जनाको नाम रहेको र २९ जनाको मात्र हस्ताक्षर रहेको आयोग स्रोतले जनाएको छ ।
त्यस्तै नेपाल पक्षले केन्द्रीय सदस्यतर्फ ५८ जनाको नाम पेश गरेको भएपनि ५५ जनाको हस्ताक्षर रहेको बुझिएको छ । एमालेको आयोगमा भएको- विवरण अनुसार २०३ जनाको केन्द्रीय समितीको- २० प्रतिशत ४१ जनाको सनाखत भएमा नेपाल पक्षको दल दर्ता हुने भएको छ ।
एमालेका सांसद सोमप्रसाद पाण्डे, शारदा भट्ट, माया ज्ञवाली र केन्द्रीय सदस्य राजन राईसहित चार जनाले मंगलबार आफूहरू पनि नेकपा (एकीकृत समाजवादी) मा समावेश हुन र सनाखत गर्न आयोगमा निवेदन दिएका छन् । त्यस्तै आयोगले स्वयं उपस्थित हुनुपर्ने भनेपछि हालप दिल्लीमा उपचारत रहेका नेता झलनाथ खनालको पनि सनाखत नहुने भएको छ ।
युनिकोड
मिति रूपान्तरण
ग्लोबल आवाज
प्रतिक्रिया