बुटवल । लुम्बिनीमा गठबन्धन दलले माओवादी संसदीय दलका नेता कुलप्रसाद केसीलाई नयाँ मुख्यमन्त्री बनाउन दाबी पेस गरेसँगै आन्तरिक छलफलमा जुटेका छन् । अब बन्ने नयाँ सरकारमा आफ्नो दलका तर्फबाट सरकारमा पठाउने सदस्यहरुको नाम छनोटका लागि दलहरु छुट्टाछुट्टै छलफलमा जुटेका हुन् ।
नयाँ सरकार गठनका दाबी पेस गर्न प्रदेश प्रमुखले दिएको समयसीमा दिउसो ३ बजे सकिँदै छ । सरकारको नयाँ नेतृत्वको लागि ४२ सांसदको हस्ताक्षरसहित दावी पेस गरेका छन् । गठबन्धनमा सहभागी तीनै दल माओवादी, कांग्रेस र जसपाबाट एक÷एकजना मन्त्री बनाउने तयारी गरिएको छ । मुख्यमन्त्रीको नियुक्तिलगत्तै चार सदस्यीय मन्त्रिमण्डल गठनको तयारी गरिएको माओवादी नेता सुदर्शन बरालले जानकारी दिए ।
पहिलो चरणमा नेपाली कांग्रेसबाट डिल्ली चौधरी, फखरूद्दिन खान, वीरबहादुर रानामध्ये एकजना, माओवादीबाट सुदर्शन बराल, दामा शर्मा र तुलाराम घर्तीमध्ये एकजना र जसपाबाट सहश्राम यादव मन्त्री बन्ने बताइएको छ । कांग्रेसबाट पहिलो प्राथमिकतामा दाङबाट निर्वाचन जितेका डिल्ली चौधरी परेका छन् । एक सांसद रहेर गठबन्धनमा बसेको जनमोर्चा भने तत्काल सरकारमा सहभागी नहुने भएको छ ।
युनिकोड
मिति रूपान्तरण
ग्लोबल आवाज
प्रतिक्रिया