बुटवल । अन्तर्राष्ट्रिय सहयोगी संस्था युएसएआईडीद्वारा सञ्चालित कार्यक्रम सुआहाराले नेपाल सरकाले घोषणा गरेको साप्ताहिक मास्क प्रवर्द्धन अभियान अन्तरगत बुटवलमा सचेतना सञ्चालन गरेका छ । सुआहारा कार्यक्रमका ३० जना कर्मचारी तथा सामाजिक परिचालकहरुको सहभागितामा ‘के तपाईंले सही तरिकाले मास्क लगाइरहनु भएको छ ?’-भन्ने ब्यानरसहित मास्क प्रवर्द्धन कार्यक्रम गरिएको थियो ।
अभियान अन्तरगत बाटोमा मास्क नलगाई हिड्नेलाई मास्क वितरण, मास्क लगाए पनि सहि तरिकाले नलगाएकालाई लगाउन सिकाउँदै, मास्क के हो ? मास्क किन लगाउने ? मास्क नलगाउँदा के हुन्छ ? भन्ने बारे जानकारी जराइएको थियो । सचेत र सुरक्षित रहन अनुरोध गर्दै बुटवलको गोलपार्कदेखि सुरू भई ट्राफिक चोक, अस्पताल लाईन, अमरपथ हुँदै पुन गोलपार्क पुगेर समापन गरिएको थियो ।
अभियानमा करीब २५०० थान मास्क वितरण गरिएको सुआहारा कार्यक्रमका लुम्बिनी प्रदेश संयोजक भरत शर्माले बताए । ‘म पनि मास्क लगाउँछु र अरुलाई पनि सहि तरिकाले मास्क लगाउन प्रेरित गर्छु, भन्ने चिन्तन सबैमा हुनुपर्छ ।’-उनले भने । सुआहरा कार्यक्रम मार्फत मास्क अभियानलाई सहरदेखि गाउँसम्म पुर्याउने लक्ष्य लिइएको शर्माले बताए । सुआहरा कार्यक्रमले बिगतदेखि नै कोरोन बिरुद्ध जोखिम न्यूनीकरण, स्वास्थ्य सुरक्षाका कार्यक्रमहरू लुम्बिनी प्रदेशका १२ वटै जिल्लाका साथै नेपालका ४२ जिल्ला सञ्चालन गर्दै आएको छ ।
युनिकोड
मिति रूपान्तरण
ग्लोबल आवाज
प्रतिक्रिया