बुटवलका पत्रकारद्वय पाण्डे र केसी सम्मानित

बुटवल । रुपन्देहीलाई कार्यक्षेत्र बनाएर बुटवलबाट पत्रकारिता गर्दै आएका दुई जना पत्रकार सम्मानित भएका छन् । रिपोर्टर्स क्लब नेपाल लुम्बिनी प्रदेशको तेस्रो स्थापना दिवसको अवसरमा पत्रकार भगवती पाण्डे र तेजेन्द्र केसी नगदसहित सम्मानित भएका हुन् ।

Advertisement

उनीहरुलाई लुम्बिनी प्रदेशका प्रदेश प्रमुख अमिक शेरचन, रिपोर्टर्स क्लब नेपालका केन्द्रीय सभापति ऋषि धमला लगाएतले टिका, दोसल्ला, नगद र प्रमाण पत्रसहित सम्मान गरिएको थियो । लामो समयदेखि बुटवलबाट पत्रकारिता गर्दै आएकी पाण्डे सेतोपाटी अनलाइनकी रुपन्देही सम्वाददाता र लुम्बिनी टेलिभिजनकी समाचार प्रमुख हुन् ।

त्यसैगरी दशक बढीदेखि पत्रकारिता गर्दै आएका युवा पत्रकार केसी रातोपाटी अनलाइनका लुम्बिनी व्यूरो प्रमुख हुन् भने जनसंघर्ष साप्ताहिकका उपसम्पादक हुन् । रिपोर्टर्स क्लब नेपाल लुम्बिनीले गत वर्षदेखि पत्रकारिताका क्षेत्रबाट योग्दान पुर्याउँदै आएकाहरुलाई सम्मान गर्दै आएको निरन्तरता दिँदै दुई जनालाई सम्मान गरिएको क्लबका अध्यक्ष रामकुमार क्षेत्रीले बताए ।