९ आश्विन २०७९, आईतवार

Sep 25, 2022

२० करोडको लागतमा बन्ने क्याम्पसको अत्याधुनिक भवनको शिलान्यास

साउन २१,
ग्लोबल आवाज
बुटवल । पूर्व अर्थमन्त्री तथा प्रतिनिधि सभा सदस्य विष्णु पौडेलले विकास निर्माणका काममा नागरिकको निगरानी आवश्यक रहेको बताएका छन् । उनले योजना निर्माण र बजेट विनियोजन गरेर मात्र प्रभावकारी विकास नहुने बताउँदै कार्यान्वयनका लागि नगारिकको निगरानी र खवरदारी आवश्यक रहने बताए ।

Advertisement

मंगलबार बुटवल कालिका क्याम्पसको अत्याधुनिक भवन शिलान्यास समारोहमा बोल्दै उनले सो कुरा बताएका हुन् । समारोहमा बोल्दै उनले बुटवलको विकासमा आफू सदैव तत्पर रहेको र यहाँको विकासका लागि बजेट अभाव नहुने बताए । उनले भने‘ यस क्षेत्रमा धेरै योजनाहरु परेका छन् । केही योजना सम्पन्न हुँदैछन् ,केहीको डिपिआर तयार भई सकेका छन् भने केही पर्दैछन् । तर, प्रभावकारी विकासका लागि योजना र बजेट विनियोजन मात्र भएर पुुग्दैन । समयमा गुणस्तरीय निर्माण कार्यान्वयनका लागिस्थानीय नागरिकबाट निरन्तर निगरानी र खवरदारी आवश्यक पर्दछ ।’

कालिका मा.वि.ले.बुटवल,रुपन्देही र प्रदेशमा मात्र नभई देशमै आफ्नो नाम राख्न र नमुना बन्न सफल भएको बताउँदै शिलान्यास भएको भवन समयमा नै सम्पन्न हुने विश्वास व्यक्त गरे । ‘देशमै नम्बर एक बन्न सफल कालिका मावि उदाहरणीय शैक्षिक संस्था बनेको छ । करिब २० करोडको लागतमा बन्न लागेको यो भवनको निर्माण १८ महिनामै सम्पन्न हुनेछ । यसका लागि तिनै तहको सरकारको विशेष साथ र सहयोग हुनेछ ।’ उनले भने । उनले शिक्षाका लागि वर्तमान सरकारको तर्फबाट पनि विशेष पहल भएको बताउँदै आफूले निर्वाचन क्षेत्र पूर्वाधार विशेष कार्यक्रमको बजेट पनि शिक्षामा लगानी गर्ने बताए ।


शिलान्यास समारोहमा बोल्दै नेकपाका महासचिव पौडेलले रुपन्देही क्षेत्र नं.२ का लागएत यस क्षेत्रका विभिन्न योजनाहरु बारे पनि प्रकाश पारे । उनले बुटवलको खानेपानीदेखि सडक समस्या , लागुऔषध दुुव्र्यशन,सिक्सलेन सडक,अन्तराष्ट्रिय प्रदर्शनी तथा सम्मेलन केन्द्र, सिद्धबाबा सुरुङ, कालीगण्डकी कोरिडोर, तिनाउ–दानव कोरिडोर लगाएतका समस्या तथा योजनाहरु बारे जानकारी र पहल भइरहेको बताए । यस क्षेत्रका प्रतिनिधि समेत रहेका पौडेलले बुटवललाई शान्त,हराभरा नगर बनाउनुका साथै शिक्षा र स्वास्थ्यको केन्द्र बनाउने पहल भइरहेको बताए । यसका लागि फोहर डम्पिङ योजना , लुम्बिनी प्रादेशिक अस्पतालको स्तरोन्न्ती, २०० विघामा निर्माण हुन गइरहेको केडिकल कलेज निर्माणसँगै यूनिभर्सिटि बनाउने लक्ष्य रहेको बताउँदै बजेटेको चिन्ता नगर सबैमा सहकार्य र निगरानी आवश्यक रहेको बताए ।


समारोहमा प्रदेश ५ का पर्यटन,उद्योग वन तथा वातावरण मन्त्री लिला गिरीले प्रदेश ५ को विकासका लागि प्रदेश सरकार प्रतिवद्ध रहेको र कालिका माविको विकासमा सहकार्य गर्न तयार रहेको बताए । त्यसैगरी बुटवल उपमहानगरपालिकाका प्रमुख शिवराज सुवेदीले बुटवल शिक्षाको केन्द्र रहेको र यसमा कालिकाको योगदान रहेको बताउँदै शैक्षिक विकासका लागि उपमहानगरले प्राथमिकता दिएको बताए । कालिका माविका प्राचार्य घनश्याम पाठकले वर्तमान परिपेक्षमा निर्माण हुन लागेको अत्याधुनिक भवनले शैक्षिक क्षेत्रमा नयाँ आयाम ल्याउने बताए ।


उनले भने ‘भौतिक रुपमा मात्र होइन अत्याधुनिक भवनले शैक्षिक क्षेत्रमा महत्वपूर्ण भूमिका खेल्नेछ । यसको निर्माणमा हामी तल्लिन हुनेछौं । सहकार्य र सहयोगका लागि सबैमा अपिल गर्दछु। ’ कार्यक्रम बुटवल कालिका क्याम्पसका अध्यक्ष रामचन्द्र क्षेत्रीको अध्यक्षतामा भएको थियो । शैक्षिक क्षेत्रमा देशमै सफल मानिने कालिका मावि र बुटवलकै मानव ज्ञान मावि केही समय अघि मर्ज भई कालिका मानव ज्ञान मावि भएका थिए । मावितर्फ मात्र नभई बुटवल कालिका क्याम्पस स्नातकतर्फ पनि उत्कृष्ट नतिजा ल्याउन सफल भएको छ ।

प्रतिकृया दिनुहोस्

Flash News

‘प्रेम गीत-३’ हिन्दी भर्सन सोमबारदेखि क्यूएफएक्ससहित देशभरका हलमा प्रदर्शन हुने बुटवलको देविनगरस्थित नवदुर्गा मन्दिरमा भागवत महापुराण महायज्ञ हुने खोलामा डुबेर एक बालकको मृत्यु चाडपर्वमा महङ्गी र कालोबजारी, अनुगमन गर्न माग चोरी आरोपमा वडासदस्य पक्राउ माइल्स इन्टरनेशनल कन्सल्टेन्सीको दाङमा पहिलो सेमिनार, डेढ सय बढी सहभागी मोबाइलको लतले पढाइमा विद्यार्थीको रुची घट्दै, शिक्षक र अभिभावक चिन्तामा आयोगलाई आचारसंहिता व्यवहारिक बनाउन दलहरूको सुझाव उत्साहित भएर नगरबासीकाे सेवा प्रवाह लाग्न कर्मचारीलाई नगर प्रमुख पाण्डेयको आग्रह रुपन्देहीमा ६ लाख ३२ हजार मतदाता, कुन निर्वाचन क्षेत्रमा कति ? व्याकुल माइलालाई अब सरकारले प्रत्येक महिना ५० हजार भत्ता दिने भारतबाट दुई महिनामा ४१ अर्बभन्दा बढीको डिजेल, पेट्रोल र ग्यास नेपाल भित्रियो माओवादी केन्द्र धनकुटाद्वारा सामुहिक राजीनामा रुपन्देहीको देवदह नगरपालिकाले ८२ फुट भित्रका ठेला र अबैध संरचना हटाउने यस्तो छ रुपन्देही प्रहरीको चाडपर्व लक्षित सुरक्षा योजना दुई महिनामा १२१ बढी देशसँग वैदेशिक व्यापारः ११६ देशसँग घाटामा गाविस सविचसहित दुई जनाविरुद्ध भ्रष्टाचार मुद्दा पशुपालनमा केन्द्रित हुँदै दाङका किसान चोयाका पोशाक लगाउने भरीबहादुर भैरहवा अन्तर्राष्ट्रिय विमानस्थल टर्मिनल भवन व्यवस्थापनमा आवेदन परेन