१३ आश्विन २०७९, बिहीबार

Sep 29, 2022

आफ्नो पानी बिजुलीको कार्ड देखाउँदै सुकुम्बासी बस्तीका बासिन्दाहरु ।

साउन १९,
ग्लोबल आवाज

Advertisement

बुटवल । बुटवल उपमहानगर वडा नम्बर १७ रानीगन्जमा रहेको सुकुम्बासी बस्तीमा हुकुम्बासीहरुले गिद्धेदृष्टी लगाएका छन् । झण्डै ३ सय घरपरिवार सुकुम्बासी बस्ती रहेको जनशक्ति टोल र जनसंघर्ष टोल अन्तर्गत रहेको करिब १० बिगाहा १० कट्टा जग्गा केही भूूमाफियाहरुको सक्रियतामा कब्जा गर्ने प्रयत्न भएको छ । स्थानीय केही भूूमाफिया र जनप्रतिनिधि सम्मिलित हुकुम्बासीको समुहले किर्ते जालसाजी गरि सुकुम्बासी बस्तीको उक्त जग्गा हडप्न खोजेको छन् ।

साविक मोतिपुर गाविस वडा नम्बर १ रानीगन्ज अन्तर्गत नेपाल सरकारको नाममा रहेको प्लट १ (क) कित्ता नम्बर ४७ को कुल १ सय ११ बिगाहा १३ घुरमध्ये करिब १० बिगाहा १० कट्टा जग्गा केही ब्यक्तिहरुले नक्कली कागजपत्र बनाई लालपुर्जा निकाल्ने प्रयास भैरहेको स्थानीयले बताएका छन । बुटवल १ निवासी राजेशमान श्रेष्ठको नाममा नक्कली वारेस खडा गरि स्थानीय केही ब्यक्ति र जनप्रतिनिधीहरुको समेत मिलोमतोमा उक्त जग्गा कब्जा गरि त्यहाँका वास्तविक सुकम्बासीलाई बिस्थापित गर्ने षडयन्त्र भैरहेको सुकुम्बासीहरु बताउँछन ।

स्थानीय हरिलाल न्यौपाने, लालु खड्का, चिन्तामणी पाण्डे, गोपाल पाण्डे लगाएतका ब्यक्तिहरुले उक्त जग्गा हडप्ने उद्देश्यले बिभिन्न प्रपन्च रचेको, मालपोत कार्यालय, नापी कार्यालय लगाएतका निकायमा नक्कली लगत खडा गर्ने प्रयत्न गरेको भन्दै उक्त कार्य रोक्नका लागि प्रधानमन्त्रीको कार्यालयदेखि अख्तियार दुरुपयोग अनुसन्धानको कार्यालयसम्म बिभिन्न निकायमा उजुरी गरिएको गौतम बुद्ध जनसंघर्ष टोल बिकास समितिले जनाएको छ । उक्त जग्गा तत्कालिन श्री ५ को सरकारको नाममा कायम भएको र उक्त जग्गामा बिगत डेढ दशकदेखि सुकुम्बासी बस्दै आएकोले उक्त जग्गा सुकुम्बासीकै हुनुपर्ने दावी समितिले गरेको छ ।

बिगत १५ वर्षदेखि सुकुम्बासी बस्तीमा घरटहरा बनाई बसोबास गर्दै आएका ब्यक्तिहरुलाई जग्गा हडप्न खोज्ने तत्वले रातीमा आई धम्काउने, तर्साउने गरेको, यो जग्गा हाम्रो हुँदैछ तिमिहरुले छोड, नत्र हामी जबरजस्ती हटाउछौं भन्दै धाकधम्की दिने लगाएतका कार्यहरु गर्दै आएको स्थानीय गौतम बुद्ध जनसंघर्ष टोल बिकास समितिका प्रेमसागर तिवारीले बताए । तत्काल उक्त सुकुम्बासी बस्ती नछोडे सुकुम्बासीमा बिभिन्न ब्यक्तिहरुलाई भौतिक कारबाही गर्ने समेत धम्की दिएको र भुमाफियाहरुले सुकुम्बासीहरुलाई बिस्थापित गरि जग्गा हडप्न खोजेको तिवारीले उल्लेख गरे ।

उक्त जनशक्ति टोल अन्तर्गत जनसंघर्ष टोलमा करिब ३ सय सुकुम्बासी घर सहित गौतम बुद्ध बिहार, शिवालय मन्दिर, सामाजिक भवन, ज्ञान घर, समिति भवन लगाएतका संरचना आदी रहेको तिवारी बताउछन । सरकारले बिजुली, पानी, बाटो, घाटो सबै ब्यबस्था गरेको र अव सुकुम्बासीहरुले लालपुर्जा पाउने अपेक्षा गरिरहेको बेलामा यस प्रकारको खबरले सम्पुर्ण सुकुम्बासी बस्तीमा त्रास छाएको पनि तिवारीले बताए । पानी बिजुलीको कार्ड समेत आफूूहरुसँग रहेको भन्दै उनिहरुले उक्त जग्गा हडप्न खोज्ने माथि तत्काल छानविन गरि कारबाही गर्न पनि माग गरेका छन ।

प्रतिकृया दिनुहोस्

Flash News

कबीर अटो मोबाइल्सको चाड–पर्व अफर : ‘स्वदेशी उत्पादन प्रयोग गरौं, नगद सस्तोमा किनौं’ यु-१७ पुरुष फुटबल टिम घोषणा लुम्बिनीसम्मको धम्म यात्राले रामग्रामबासी हर्षित बुटल बजारको मुख्य समस्या पार्किङ, खस्किँदै ब्यापार बुटवलमा डेङ्गु संक्रमण बढ्दै गएपछि रगत अभाव रोक्न रक्तदान पैदल यात्राकाे सुरक्षा महानगरकाे जिम्मेवारी हो, फुटपाथ व्यापारीमाथि लचिलो हुँदैनौं: बालेन देउवाप्रति गोकुल बास्कोटाको कटाक्ष– सरकार चलाउन सिकाउनेलाई देउवाले उल्टै तोरीको फूल देखाई दिए नवौं राष्ट्रिय खेलकुदको समापनमा प्रमुख अतिथि बन्न प्रधानमन्त्री देउवालाई निम्तो प्रहरी सहायता कक्षकै अगाडि यात्रुको तानातान लुम्बिनीका विद्युतीय बस सूचारु, चाड पर्वको अवधिभर नि:शुल्क दसैं लागेसँगै हरेक दिन एक लाखले छाड्दैछन् काठमाडौं रामग्राम नगरपालिकाले सुरु गर्यो वडाबाटै सामाजिक सुरक्षा भत्ता वितरण दुई महिनामा ५११ केजी सुन नेपाल भित्रियो, साढे तीन अर्ब बढी रकम बाहिरियो आज कति छ सुनचाँदीको मूल्य ? गठबन्धनको भागबन्डा टुंगियो, कुन दलले कुन क्षेत्र पाए ? (सूचीसहित) त्रिभुवन विमानस्थल वरपर चङ्गा उडाए कारबाही हुने रेस्टुरेन्टमा आगलागी हुँदा कम्तीमा १७ जनाको मृत्यु एमाले सचिवालय बैठक बस्दै, उम्मेदवार टुंग्याउने चटारो दसैंको मुखमा चामल बिक्री बन्द भारतमा पनि आईफोन १४ उत्पादन सुरु