बुटवलमा विपक्षि गठबन्धनका पाँच विद्यार्थी संगठनले मसाल जुलुस प्रदर्शन गरिएको छ । सरकारको अधिनायकवादी र स्वच्छाचारी शासन बिरुद्ध नेपाल बिद्यार्थी संघ, अखिल क्रान्तिकारी, अनेरास्ववीयू, समाजवादी बिद्यार्थी युनियन र अखिल छैठौंले संयुक्त रुपमा मसाल जुलुस प्रदर्शन गरेका हुन् ।
बुटवलको हस्पिटललाइनबाट सुरु गरिएको मसाल जुलुस ट्राफिकचोक पुगेर कोण सभामा परिणत भएको थियो । कोण सभामा बोल्दै बिद्यार्थी नेताहरुले मुलुकमा जव संकट पर्छ त्यसबेला बिद्यार्थीले आन्दोलनको नेतृत्व गर्दै आएको र बिद्यार्थीले गरेको आन्दोलनले मूर्त रुप लिएको बताएका थिए ।
कोण सभालाई सम्बोधन गर्दै नेपाल बिद्यार्थी संघका केन्द्रीय उपाध्यक्ष मुक्तिराज पौडेलले नेपालको राष्ट्रियता र स्वाधिनता रक्षाका लागि नेपाली बिद्यार्थी अहिले सडकमा ओर्लिन बाध्य भएको बताए ।
बिद्यार्थीले निकालेको मसाल जुलुसलाई प्रहरीले हस्तक्षप गर्न खोजेपनि बिद्यार्थीको प्रदर्शनका बिच प्रहरी पछि हटेको थियो । संसद बिघटन बिरुद्ध विपक्ष दलका पाँच बिद्यार्थी संगठनले देशभर बिरोधका कार्यक्रम गर्दै आएका छन् ।
युनिकोड
मिति रूपान्तरण
ग्लोबल आवाज
प्रतिक्रिया