२९ श्रावण २०७९, आईतवार

Aug 14, 2022

कोरोना बीमा गरेकामध्ये कोरोना लागेर बीमा दाबी गर्नेमध्ये धेरैले अझै पनि दाबी भुक्तानी पाउन सकेका छैनन् । विशेष गरी सरकारी कर्मचारी र नेपाली सेनाका व्यक्तिहरूको बीमा दाबी भुक्तानीमा निकै ढिलाइ भइरहेको छ । बीमा समितिले बनाएको मापदण्ड २०७७ अनुसार कोरोना भाइरसको सङ्क्रमण देखिएको प्रमाण पेस भएमा सात दिनभित्र दाबी भुक्तानी गर्नुपर्नेछ भन्ने उल्लेख भए पनि प्रमाण पेस भएको महिनौँ बित्दा पनि दाबी रकम भुक्तानी हुन नसकेको गुनासो बढेको छ । बीमा समितिका कार्यकारी निर्देशक राजुरमण पौडेल राष्ट्रिय बीमा कम्पनीमार्फत प्रमाणित भएर आउनुपर्ने फाइल आउन निकै ढिलाइ हुने गरेको बताउँछन् । उनका अनुसार स्वास्थ्य मन्त्रालयमा भएको ढिलाइका कारण पनि दाबी भुक्तानीमा सुस्तता आएको छ।

मापदण्डअनुसार सामूहिक बीमा गर्दा लाग्ने बीमा शुल्कमा नेपाल सरकारले ५० प्रतिशत अनुदान उपलब्ध गराउने उल्लेख छ । राष्ट्र सेवक कर्मचारीको सामूहिक कोरोना बीमा गर्दा सरकारले शतप्रतिशत बीमाशुल्क अनुदान उपलब्ध गराउने उल्लेख छ । विश्वभर महामारीको बीमा गर्ने खासै प्रचलन नभए पनि नेपालमा निर्जीवन बीमाअन्तर्गत बीमा कम्पनीहरूले परीक्षणका रूपमा कोरोना बीमाको योजना अगाडि सारेका थिए । सुरुमा अधिकतम ५० हजार रुपियाँ र एक लाख रुपियाँसम्मको बीमाङ्कको र बीमा योजना ल्याएको भए पनि कोरोनाको प्रभाव बढ्न थालेपछि भने कोरोना भएको अवस्थामा २५ हजार रुपियाँ दिने र बाँकी ७५ हजार रुपियाँमध्येबाट अस्पतालमा भएको खर्च विवरणको आधारमा भरपाइ गर्ने गरी संशोधन गरेको थियो ।

बीमा समितिको पछिल्लो तथ्याङ्कअनुसार ९१ हजार ६७३ जनाले कोरोना बीमाबापतको भुक्तानी बुझिसकेका छन् भने ६० हजार ५८७ जनाको भुक्तानीका लागि सहमति प्राप्त भइसकेको छ । अझै १८ हजार ८५९ जनाको फाइल स्वीकृतिको पर्खाइमा छन् । एक हजार ९८९ फाइलमा आवश्यक विवरण पूरा नभएर फर्किएको बीमा समितिले जनाएको छ । गत वर्ष चैतबाट सुरु भएको बीमा पनि चालू आवको असार मसान्तसम्म मात्र लागू हुनेछ । सरकारले जे सोचेर कोरोना बीमा योजना ल्याएको थियो त्योअनुसार हुन नसकेको र कर्पोरेट हाउसहरूको ‘क्यापचर’मा परेको बीमा समितिका पदाधिकारीको भनाइ छ । बीमा कम्पनीहरूले संस्थागत सामाजिक उत्तरदायित्वअन्तर्गत यस्तो योजना अगाडि सारेका थिए । बीमाको दाबी भुक्तानीका भएको ढिलाइका कारण दोस्रो चरणको महामारी फैलँदै गर्दा कोरोना बीमा उत्तिको प्राथमिकतामा कम्पनीहरूले राख्न सकेका छैनन् । यसलाई स्वास्थ बीमाअन्तर्गत राखिनु उपयुक्त हुने बताउन थालेका छन् । -गोरखापत्र अनलाइन

Advertisement

प्रतिकृया दिनुहोस्

Flash News

रोट्रयाक्ट क्लब अफ कोटिहवाद्वारा निःशुल्क शिविर, करिब ४ सय जनाले लिए सेवा राष्ट्रपतिबाट नागरिकता विधेयक अस्वीकृत दाजुभाई मिलेर बहिनीको प्रेमीको हत्या चर्चमा आगलागी, ४१ जनाको मृत्यु प्यूठानमा जीप दुर्घटना, नौ जना घाइते लुम्बिनी सरकारको प्रगति : तालिम गोष्ठिदेखि कर्मचारीको विवरण सार्वजनिकसम्म पाल्पामा सोमप्रसाद भर्सेस ठाकुर गैरे !, अर्को क्षेत्रमा कसको चर्चा ? बुटवल उपमहानगरको न्यायिक समितिले गर्‍यो ६ वटा विवाद निरुपण थप ४५५ जनामा कोरोना संक्रमण, २ को मृत्यु बजेट अधिवेशनमै धमाधम कानुन निर्माण १३ वर्षीया बालिकालाई याैन दुर्व्यवहार गरेकाे आरोपमा पक्राउ मेयर बालेनज्यू, तपाइँ असफल हुनु भएन : पूर्वसचिव शारदा त्रिताल आत्मनिर्भर हजुरआमाहरू संघीय सरकारविरुद्ध मधेश प्रदेशका मुख्यमन्त्री र मन्त्रीहरू नै धर्नामा गणपूरक संख्या नपुगेपछि दोस्रो पटक पनि संसद बैठक स्थगित प्रचण्ड-बाबुरामबीच एउटै चुनाव चिन्हमा लड्ने सहमति एमालेले अर्थमन्त्री शर्मालाई स्वीकार्‍यो विद्यालयमा बहुउपयोगी शैक्षिक सामग्री र दृश्टिविहिन विद्यार्थीहरुलाई भोजन पहिरोले एक्स्काभेटर पुर्दा चालकको घटनास्थलमै मृत्यु रोट्रयाक्ट क्लब अफ बुटबल रामापिथेकसको अध्यक्षमा घिमिरे