January 25, 2021, Monday
२०७७ माघ १२, सोमबार

जन्ती बोकेको जीप दुर्घटना , ४ जनाको मृत्यु

573

दाङ । रुकुम पश्चिमको आठबीसकोट नगरपालिकामा जन्ती बोकेको जीप दुर्घटना हुँदा ४ जनाको मृत्यु भएको छ । शुक्रबार राति करिब १० बजे भएको दुर्घटनामा परी मृत्यु हुनेमा आठबीसकोट नगरपालिका–८, का अन्दाजि ५१ वर्षिय कलिभान नेपाली, सोहि ठाउँका ४८ वर्षिय आईते चनारा, ५१ वर्षिय गोरे नेपाली र ६६ वर्षिय सार्के नेपाली रहनुभएको छ । चारै जनाको घटनास्थलमै मृत्यु भएको जिल्ला प्रहरी कार्यालयले जनाएको छ । वडा नं. ८ कै ५८ वर्षिय लालबहादुर नेपाली गम्भिर घाईते भएको जिल्ला प्रहरी प्रमुख प्रहरी नायव उपरीक्षक ठगबहादुर केसीले जानकारी दिए ।

नेपालीको शरिरका विभिन्न अंगमा चोट लागेको र बोल्न सक्ने अवस्थामा नरहेको उनले बताए । आठबीसकोट नगरपालिका वडा नं. ८ को दाजेबाट १०/१२ जना जन्ति बोकेर वडा नं. १० को घारीखोला फर्किरहेको रा.१ ज ५८९ नम्बरको जिप दाजेमा दुर्घटना भएको हो । जिप सडकबाट अन्दाजि १ सय मिटर तल खसेको प्रहरीले जनाएको छ । घटना स्थलमा प्रहरी निरीक्षक लालबहादुर सुनारको कमाण्डमा ११ जनाको टोली खटिएको छ । उद्धारको काम भइरहेको प्रहरीले जनाएको छ । चालक वडा नं. ९ का अन्दाजि २८ वर्षिय डिल्लीबहादुर नेपाली फरार रहेको र खोजि भइरहेको बताईएको छ ।

पछिल्लो अपडेट