ताजा अपडेट »

पूँजीगत खर्चमा वृद्धि गर्दै गुणस्तरमा ध्यान दिन मुख्यमन्त्रीको निर्देशन

शुक्रबार, १२ मंसिर २०७७, १२ : ४९
12 Shares

बुटवल । लुम्बिनी प्रदेशका मुख्यमन्त्री शंकर पोखरेलले पूँजीगत खर्च बढाउन र विकास निर्माणका कामको गुणस्तरमा ध्यान दिन निर्देशन दिएका छन् । प्रदेश विकास समस्या समाधान समितिको बैठक तथा वार्षिक प्रगति समिक्षामा उनले सो निर्देशन दिएका हुन् । पूँजीगत खर्च बढाउनै पर्ने बाध्यताले गुणस्तरलाई ख्याल नगर्ने प्रवृति आउन सक्ने भएकाले सजग भई अघि बढ्न मुख्यमन्त्रीले ध्यानाकर्षण गराएका छन् ।

नतिजामुखी र प्रतिफलमुखी आयोजनामा रकमान्तर गरेर भएपनि बजेटको कमि हुन नदिन अहिलेदेखि नै काम थाल्न उनले निर्देशन दिए । प्रदेशको अर्थतन्त्र माथी उकास्ने र रोजगारी श्रृजना गर्ने खालका विकास आयोजनामा ध्यान दिन उनको अग्रह छ । बजेट खर्च गर्दा पूँजीगत खर्च अधिकतम गर्न र साधारण खर्चमा मितव्ययी बन्नुपर्ने बताउँदै मुख्यमन्त्रीले साधारण खर्च बढाएर लक्ष्यमा पुग्ने प्रवृति रोक्न निर्देशन दिए । ‘साधारण खर्चमा मितव्ययी बन्ने हो, पूँजीगत खर्च बढाएर नतिजा निकाल्ने हो ।’-उनले भने । पर्यटकीय गतिविधिलाई प्रभाव पार्ने आयोजनालाई केन्द्रीत गर्न मुख्यमन्त्रीको निर्देशन छ ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।