ताजा अपडेट »

लगातार सर्वाधिक आयकर बुझाउने उद्योगी बने अग्रवाल

आइतबार, ०७ मंसिर २०७७, १७ : ३१
2 Shares

बुटवल । नवलपरासीका युवा उद्योगी धिरजकुमार अग्रवाल लगातार दुई पटकसम्म उत्कृष्ट कर दाता बनेका छन् । जिल्लाबाट सबैभन्दा धेरै आयकर बुझाउने उद्योगीका रुपमा आन्तरिक राजस्व कार्याले भैरहवाले उनलाई दोस्रो पटक आज आइतबार सम्मान गरेको छ । उनी नवलपरासी सुस्ता पश्चिमका उत्कृष्ट करदाता बनेका हुन् । आर्थिक वर्ष २०७५/७६ मा सबैभन्दा बढी कर बुझाउने उनी त्यस अघिको आर्थिक वर्ष ०७४/७५ मासमेत नवलपरासीबाट सबैभन्दा धेरै आयकर तिर्ने उद्योगी बनेका थिए ।

मारुती बिजनेश कन्सर्न प्रा.लिका प्रबन्ध निर्देशक अग्रवाललाई राजस्व कार्यालय भैरहवाका प्रमुख मुक्तिराम आचार्यले प्रमाण पत्रसहित सम्मान गरेका छन् । ९ औं कर दिवसको अवसरमा आयोजित एक कार्यक्रमका बिच मारुती विजनेश कन्सर्नलाई सम्मान गरिएको हो । परासी बुद्धचोकमा रहेको मारुती बिजनेश कन्शर्न प्रा.लि. २०७३ सालदेखि सञ्चालनमा छ । उनका पिता अनिल अग्रवाल सो क्षेत्रका स्थापित ब्यावसायि हुन् । पिता अनिल अग्रवाले सुरुवात गरेको उक्त कम्पनिको नेतृत्व र जिम्मेवारी भने धिरजले नै सम्हाल्दै आएका छन् ।

आइतबार भैरहवामा आयोजित कार्यक्रममा रुपन्देही र नवलपरासीका सबैभन्दा बढि कर तिर्ने करदातालाई सम्मान गरिएको थियो । ‘स्वच्छ कर प्रशासन विकास र सुशासन’ भन्ने मूल नाराका साथ यहि मंसिर १ गते देखि आज आइतबारसम्म कर सप्ताह मनाइएको हो । कर सप्ताह समापनको अवसरमा आन्तरिक राजश्व कार्यालयहरुले विभिन्न कार्यक्रम गर्दे आएका थिए ।

https://www.globalaawaj.com/archives/19668
ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।