काठमाडौं । सत्तारुढ नेपाल कम्युनिष्ट पार्टी (नेकपा)को आन्तरिक द्धन्द्धसँग नेपाली कांग्रेस पूर्णत निरपेक्ष रहेको प्रवक्ता विश्वप्रकाश शर्माले बताएका छन् । नेकपाको आन्तरिक विवादमा कांग्रेस प्रवेश गरेको विभिन्न नेताहरुले आरोप लगाइरहेका बेला शर्माले कसैलाई पनि भ्रममा नपर्न आग्रह गरेका हुन् ।
'नेपाली कांग्रेस सत्तारूढ नेकपाको आन्तरिक द्वन्द्वसंग पुर्णतः निरपेक्ष छ' आइतबार साँझ शर्माले ट्विटरमा लेखेका छन्, 'कसैलाई कुनै भ्रम नरहोस्- कांग्रेसले कसैलाई पनि हरियो झण्डा देखाएको छैन !' आइतबार पार्टी कार्यालय सानेमा कांग्रेसका सभापति शेरबहादुर देउवाले नेकपाका अध्यक्ष एवं प्रधानमन्त्री केपी शर्मा ओली र संसदीय दलका उपनेता सुवासचन्द्र नेम्वाङसँग भएको छलफलका बारेमा पार्टीलाई जानकारी गराएका थिए । कांग्रेसको केन्द्रित केन्द्रीय समितिको बैठक भोलि २२ असार अपरान्ह २:०० बजे पुन बस्नेछ ।
युनिकोड
मिति रूपान्तरण
ग्लोबल आवाज
प्रतिक्रिया