स्वयंसेवक संघ अर्घाखाँचीको अध्यक्षमा घिमिरे

बुटवल । नेपाल स्वयंसेवक संघ युवा संगठन अर्घाखाँचीको अध्यक्षमा कमला घिमिरे चयन भएकी छिन् । सामाजिक क्षेत्रमा काम गर्ने युवाहरुको साझा संगठनका रुपमा रहेको यस संस्थामा घिमिरेको नेतृत्वमा १५ सदस्यीय नेतृत्व चयन भएको हो ।

यस्तै उपाध्यक्षमा राजेन्द्र रायमाझि र उमेश गौतम चयन भएका छन् । सचिवमा लेखनाथ पौडेल, सहसचिवमा सरिता गैरे, कोषाध्यक्षमा हलिम खान रहेका छन् । कार्यसमिति सदस्यहरुमा माया केसी, अनिशा शाही ठकुरी, सन्जिब पौडेल, नारायण भट्टराई, चिन्तामणी खनाल, माधव पौडेल, प्रकाश भुसाल, शर्मिला शर्मा, अन्जना थापा चयन भएका छन् ।

देशभर सामाजिक सेवाका लागि गठन भएको संस्थाको पहिलो पटक अर्घाखाँचीमा गठन गरि नेतृत्व चयन भएको संघका केन्द्रीय अध्यक्ष जन्जित पुरुषले जानकारी दिए । सामाजिक तथा युवाहरुको नेतृत्वका साथै उनिहरुको व्यक्तित्व विकास र सामाजिक कार्य अगाडि बढाउनका लागि संस्थाले काम गर्ने अध्यक्ष पुरुषले बताए ।