कोरोनाबारे जानकारी लिन १११५ मा नि:शुल्क फोन गर्नुस्

काठमाडौं । कोरोना भाइरसको बारेमा जानकारी लिन १११५ मा फोन गर्न सकिने भएको छ । शुक्रबार स्वास्थ्य तथा जनसङ्ख्या मन्त्रालय अन्तर्गतको इपिडिमियोलोजी तथा रोग नियन्त्रण महाशाखाले कोरोना भाइरसबारे १११५ मा फोनमार्फत् जानकारी दिन लागेको हो ।

फोन गरेको शुल्क भने लाग्ने छैन । महाशाखाका निर्देशक वासुदेव पाण्डेले कोरोनाबारे बाहिरी हल्लाको पछि नलागी महाशाखाले सञ्चालनमा ल्याएको १११५ नम्बरमा सम्पर्क गर्न आग्रह गरेका छन् ।

कोरोनाबारे बुझ्न १११५ नम्बरमा चौबिसै घण्टा फोन गर्न सकिनेछ ।