ताजा अपडेट »

तिलाेत्तमाबाट राष्ट्रिय अभियान सुरु भयाे : मन्त्री भुसाल

शुक्रबार, ३० फागुन २०७६, ११ : ०९
4 Shares

तिलाेत्तमा । रुपन्देहीकाे तिलाेत्तमा नगरलाई शून्य पाेलिथिन र सरसफाई उन्मुख घाेषणा गर्दै कृषि मन्त्री घनश्याम भुसालले याेसँगै राष्ट्रिय अभियान सुरू भएकाे उल्लेख गरेका छन् । शुक्रबार नगरकाे कार्यालय परिसरमा आयाेजित विशेष सभालाई सम्बाेधन गर्दै मन्त्री भुसालले अभियानले अरु धेरै काम गर्नुपर्ने चुनाैती पनि थपिएकाे उल्लेख गरे । विगत २ वर्षकाे प्रयासपछि सिम नेपालसँगकाे सहकार्यमा तिलाेत्तमालाई शून्य पाेलीथिन र पूर्ण सरसफाई उन्मुख नगरपालिका घाेषणा गरिएकाे हाे ।

नगरकाे कार्यप्रति प्रशंसा व्यक्त गर्दै भुसालले सामान्य व्यक्तिकाे नजरमा मूर्ख मानिएकाे काम नगरले फत्ते पारेकाे बताए । ´सुरुमा अभियान बारे सुन्दा मलाई पनि अचम्म लागेकाे थियाे, मुर्खहरुले गर्ने काम सुरू भयाे किनकि याे सम्भब छैन ।`-केही ठट्यउली पारामा बाेल्दै भुसालले नगरकाे अभियान सफल भएकाेमा खुसी व्यक्त गर्दै निरन्तरताका लागि सुझाए । कार्यक्रममा बाेल्दै प्रदेश ५ का उद्याेग, पर्यटन, वन तथा वातावरण मन्त्री लिला गिरीले तिलाेत्तमाका छिमेकी स्थानीय निकायहरुलाई पनि सिकाउदै शून्य पाेलिथिनकाे अभियानलाई राष्ट्रिय अभियानकाे रुपमा अगाडि बढाउनु पर्नेमा जाेड दिए । तिलाेत्तमाले नगरलाई शून्य पाेलिथिन घाेषणा गरेेेेपछि त्यसलाई जाेगाई राख्नका लागि सजग भएर निरन्तरता दिनु पर्ने उल्लेख गरे । अभियान अन्त्य नभई सुरुवात भएकाे हुनाले नगरलाई पूर्ण सरसफाई युक्त र शून्य पाेलिथिन घाेषणा जस्तै अन्य धेरै काम गर्न बाँकी रहेकाे उनले बताए ।

यसैगरी प्रदेश सभा सदस्य दधिराम न्याेपानेले तिलाेत्तमाकाे पाठ अन्य स्थानीय निकायहरुले पनि सिक्न जरुरी रहेकाे उल्लेख गरे । अभियानलाई सफल पार्न र निरन्तरताका लागि सरकारले गरेका निर्णयहरुलाई जनस्तरबाट पनि अनिबार्य पालना गर्न आवश्यक रहेकाे उल्लेख गरे । अभियान सफल भएकाेमा खुसी व्यक्त गर्दै जिल्ला समन्वय समितीका सभापति एकराज विश्वकर्माले अब तिलाेत्तमासँगै जिल्ला भरिनै सकारात्मक साेत र आचरणकाे विकास गर्नुपर्नेमा जाेड दिए । तिलाेत्तमाका मेयर बासुदेव घिमिरेले अभियान सफल पार्नका लागि सहयाेय गर्ने सम्पूर्ण नगरबासी, संघ संस्था तथा सिम नेपाललाई धन्यवाद ज्ञापन गरे ।

कार्यक्रममा सिम नेपालका अभियान्ता निपेस ढाका, लक्ष्मी चापागाई, त्रिभुवन विश्व विद्यालयका प्राेफेसर डा. भैया खनाल, क्रिमसन अस्पतालका फिजिसियन डाक्टर कृष्णचन्द्र गाेदार लगायतले बाेलेका थिए ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।