ताजा अपडेट »

‘प्रदेश ५ को राजधानी र नामाकरण सर्वसहमतिमा’

बुधबार, २८ फागुन २०७६, १५ : १९
2 Shares

बुटवल । प्रदेश ५ को राजधानी र नामाकरण सर्वसहमतिमा टुङ्गो लाग्ने आन्तरिक मामिला तथा कानुन मन्त्री कुल प्रसाद केसीले बताएका छन् । उनले राजधानी र केन्द्र तोक्ने जस्तो विषयमा हतार गर्न नहुने भन्दै पाको र गहन ढंगले अध्ययन गरी घोषणा गर्ने तयारीमा रहेको बताए ।

रिपोर्टर्स क्लव नेपाल प्रदेश ५ ले बुधवार बुटवलमा आयोजना गरेको साक्षात्कार कार्यक्रममा बोल्दै मन्त्री केसीले प्रदेश राजधानीका लागि तीन वटा क्षेत्र दावेदारीमा आएको भए पनि सबैलाई पायक पर्ने गरी निर्णय हुने बताए । ‘राप्ति अञ्चलको राजधानी तुलसीपुर, लुम्बिनी अञ्चलको राजधानी बुटवल र भेरी अञ्चलको राजधानी नेपालगन्ज जस्ता क्षेत्रहरुले दावेदारी पेश गरेका छन् । हामी सवैलाई न्याय ह’ने गरी नै राजधानी निर्धारण गर्दछौँ ।’- उनले भने । साक्षात्कारमा बोल्दै प्रदेशसभा सदस्य भोजप्रसाद श्रेष्ठले बुटवल राजनीतिक क्षेत्रमात्र नभई इतिहाससँग जोडिएको क्षेत्र भएकाले बृहत्तर बुटवलमा नै राजधानी बन्ने बताए । ‘भर्जिन स्थानको खोजी हुदैछ, जुन रुपन्देहीको विकल्प हुन सक्दैन । त्यस्तो स्थान कनेक्टीभिटी नभएको, एयरपोर्ट नभएको वा पूर्वाधार विहिन स्थान हुन सक्दैन् । नयाँ स्थानमा बनाउँदा ५० बर्ष लाग्न सक्छ । त्यसले समय मात्र होइन स्रोत समेतमा बाधा ल्याउँछ ।’-उनले भने ।

साक्षत्कारमा बोल्दै प्रदेश सभा सदस्य फकरुद्धिन खाँनले राजधानी र नामाकरणले प्रदेशको कार्यसम्पादनमाथि नै प्रश्न चिन्न उठेको बताए । कार्यकाल अवधि मै प्रस्ताव नआउने पो हो की भन्ने आशंका पैदा भएको छ, उनले भने- प्रदेशको आधारभुत काम भने कै प्रदेशको राजधानी र नामाकरण हो, त्यही नै दुई वर्षसम्म भएन । यसमा सरकारको सक्षमता कति भन्ने प्रष्ट भएको छ ।’ उनले बुटवलमा कर्मचारी आउन एक वर्ष लाग्यो अव अन्यत्र लैजाँदा कर्मचारी जान तयार हुन्छन् वा हुदैन् ? प्रश्न गर्दै बुटवल क्षेत्र नै उपयुक्त हुने ठोकुवा गरे ।

त्यस्तै समाजवादी पार्टीका संसदीय दलका प्रमुख सचेतक सन्तोष पाण्डे संघीय स्तरका नेताहरुबाट प्रदेशको राजधानी र नामाकरणका सन्दर्भमा निर्देशन दिनु गलत भएको बताए । उनले राजधानीको विषय प्रदेशसभा सदस्यहरुको अधिकार क्षेत्र भएकाले पार्टीको ह्यीप लगाउनु उपयुक्त नहुने धारणा राखे । भर्जिन ल्यान्डका नाममा बन्जर क्षेत्रमा राजधानी बनाउन नहुने उनको तर्क छ । साक्षात्कार, क्लवका प्रदेश प्रमुख रामु’मार क्षेत्रीको अध्यक्षतामा भएको थियो ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।