फर्साटिकरमा पतञ्जलिका सामग्री

शुद्धोधन । रुपन्देहीको शुद्धोधन–सौ फर्साटिकरमा पतञ्जलिका सामानहरु उपलब्ध हुने भएका छन् । ग्रामिण भेगमा पतञ्जलिका शुद्ध र स्वस्थ सामान शुलभ दरमा उपलब्ध गराउने उद्देश्यले आयूष पतञ्जलि एण्ड श्रेया ट्रेडर्स सञ्चालनमा आएको छ । व्यवसायको एक समारोहका बीच हिन्दु वैदिक सनातन विधि अनुसार शुभारम्भ गरिएको हो ।

सौ फर्साटिकर चोकदेखि दक्षिणतर्फ हालै सञ्चालनमा आएको ट्रेडर्समा मुुख्यतया पतञ्जलिका सामग्रीहरु लगाएत अन्य किराना तथा घरायसी सामानहरु पनि उपलब्ध हुने ट्रेडर्सकी प्रोपराइटर श्रेया भण्डारीले बताइन् । १५ लाखभन्दा बढी लगानीमा सञ्चालित व्यवसायले स्थानीय क्षेत्र गुणस्तरीय सामान र सेवा प्रदान गर्ने उनले बताइन् । हाल भण्डारी लगाएत फर्साटिकरमा व्यवसायमा सहभागिता तथा सक्रियता जनाउने महिलाहरुको संख्या बढ्दो रहेको छ ।