समाजिक सम्बन्धलाई बलियो बनाउन होलीको विशेष महत्वः मुख्यमन्त्री

बुटवल । समाजिक सम्बन्धलाई बलियो बनाउन होली पर्वको विशेष महत्व रहेको प्रदेश ५ का मुख्यमन्त्री शंकर पोखरेलले बताएका छन् ।

होली पर्वको अवसरमा शुभकामना सन्देश जारी गर्दै उनले रंगहरुको पर्व होलीले एकआपसमा सद्भाव, भातृत्व र मेलमिलापको सम्बन्धलाई बलियो बनाउँदै आएको उल्लेख गर्दै विविधतायुक्त नेपाली समाजलाई एकतामा बाँध्दै समाजिक सम्बन्धलाई बलियो बनाउन होली पर्वको विशेष महत्व रहेको बताएका छन् । मुख्यमन्त्री पोखरेलले स्वदेश तथा विदेशमा रहनुभएका समस्त दिदीबहिनी तथा दाजुभाइहरुमा सुख, शान्ति,समृद्धि र सुस्वास्थ्यको कामना समेत गरेका छन् ।

साथै उनले यतिखेर विश्व कोरोना भाइरस विरुद्ध लडिरहेको र नेपालमा पनि संभावित जोखिमलाई ख्याल गर्दै उच्च सर्तकता अपनाइएको उल्लेख गर्दै कोरोना भाइरसको संक्रमणको संभावित जोखिमलाई ध्यान दिदैं सरकारले सभा, सम्मेलन र ठूला जमघट नगर्न आग्रह गरेका छन् ।

होलीको अवसरमा मुख्यमन्त्रीले जारीको शुभकामना सन्देश

होली पर्वको अवसरमा स्वदेश तथा विदेशमा रहनुभएका समस्त दिदीबहिनी तथा दाजुभाइहरुमा सुख, शान्ति,समृद्धि र सुस्वास्थ्यको हार्दिक शुभकामना व्यक्त गर्दछु । होली पर्व अर्थात फागु पूर्णिमा नेपालको मौलिक पर्व हो । रंगहरुको पर्व होलीले एकआपसमा सद्भाव, भातृत्व र मेलमिलापको सम्बन्धलाई बलियो बनाउँदै आएको छ । विविधतायुक्त नेपाली समाजलाई एकतामा बाँध्दै समाजिक सम्बन्धलाई बलियो बनाउन होली पर्वको विशेष महत्व छ ।

होली पर्व पहाडी र हिमाली क्षेत्रमा आज मनाउने प्रचलन छ । पहाडी र हिमाली क्षेत्रमा मनाएको भोलीपल्ट तराईमा होली पर्व मनाउने परम्परा छ । फरक-फरक दिनमा भएपनि नेपालको सबै क्षेत्रमा मनाईने यो पर्व साझा पर्वको रुपमा स्थापित छ । यतिखेर विश्व कोरोना भाइरस विरुद्ध लडिरहेको छ । नेपालमा पनि संभावित जोखिमलाई ख्याल गर्दै उच्च सर्तकता अपनाइएको छ । कोरोना भाइरसको संक्रमणको संभावित जोखिमलाई ध्यान दिदैं सरकारले सभा,सम्मेलन र ठूला जमघट नगर्न आग्रह गरेको छ । तसर्थ यो वर्षको होली पर्व ठूला जमघटमा नभई पारिवारिक रुपमा मनाऔं । सरकारले कोरोना भाइरसको संभावित जोखिम न्युनिकरण गर्न शुरु गरेको पूर्व तयारी र सर्तकता अभियानलाई सहयोग गर्दै अघि बढ्न हार्दिक अपील गर्दछु ।

अन्त्यमा, रंगहरुको पर्व होली पूर्णिमाको अवसरमा सबैमा सुख, शान्ति,समृद्धि र सुस्वास्थ्यको हार्दिक शुभकामना व्यक्त गर्दछु ।