आईएमई लाईफ इन्स्योरेन्सद्वारा अभिकर्ता तालिम

अर्घाखाँची । आईएमई लाईफ इन्स्योरेन्स कम्पनी लिमिटेड सन्धिखर्क शाखाले शुक्रबार एक कार्यक्रमकाबीच आधारभुत अभिकर्ता तालिम सम्पन्न गरेको छ । सो अवसरमा आईएमई लाईफ इन्स्योरेन्स कम्पनी लिमिटेड ५ नं. प्रदेश प्रमुख यमलाल न्यौपानेले बीमा सम्बन्धी ज्ञान तथा महत्वको विषयमा प्रकाश पारे ।

न्यौपानेले बीमा अभिकर्ता भई काम गर्दा ध्यान दिनुपर्ने कुराहरु, जीवन बीमाको आधारभूत अवधारणा तथा अभ्यासहरुको जानकारी साथसाथै जीवन बीमामा आईएमई लाईफ इन्स्योरेन्स कम्पनी लिमिटेडले खेलेको भूमिकाको बारेमा तालिममा सहभागीहरुलाई स्पष्ट पार्दै सफल बीमा अभिकर्ता भई कार्य गर्न सफलता मिलोस् भनी शुभेच्छा प्रकट गरे । तालिमको औपचारिक समापन गर्दै शाखा कार्यालय सन्धिखर्कका शाखा प्रमुख बोमबहादुर क्षेत्रील अभिकर्ताको गुणस्तर तथा उनीहरुको ज्ञानका स्तरको आधारमा बीमाको व्यापार बढ्ने बताए ।

शाखाका अण्डरराईटिङ स्टाफ बिक्रम पाण्डेको सञ्चालनमा सम्पन्न तालिममा ३० जना अभिकर्ताहरुको सहभागिता रहेको थियो । कम्पनीले हालबाल उज्जवल जीवन बीमा, बाल उमंग जीवन बीमा, धनसरीता जीवन बीमा, सरल सावधिक जीवन बीमा, आजिवन जीवन बीमा, बैदेशिक रोजगार म्यादी जीवन बीमा, सवल धनवद्र्धन , धनबृक्ष लगायतका दर्जनौँ बीमा योजनाहरु बजारमा ल्याएको छ ।