भारत पहिलोपटक महिला विश्वकप टी-२० क्रिकेटको फाइनलमा

काठमाडौं । भारतीय महिला क्रिकेट टिम पहिलो पटक विश्वकप टी-२० क्रिकेटको फाइनलमा पुगेको छ । भारत सेमिफाइनल नखेल्दै फाइनलमा पुगेको हो ।

बिहिबार इंगल्यान्डविरुद्धको सेमिफाइनल खेल सुरू नै नभई पानी परेपछि भारतले सिँधै फाइनलमा स्थान बनाएको हो । सेमिफाइनलको लागि कुनै रिजर्भ डे राखिएको थिएन, जसका कारण भारतले फाइनल खेल्ने मौका पाएको होे । समूह ए मा रहेको भारतीय टिम ८ अङ्कका साथ समूहको शीर्ष स्थानमा छ । इङ्ग्ल्याण्ड भने ६ अङ्कको साथ दोस्रो स्थानमा रहेको छ ।

यस्तै, फाइनलमा भारतले दक्षिण अफ्रिका र अस्ट्रेलिया बिचको विजेतासँग फाइनल खेल्नेछ । यद्यपी उनिहरूबीचको खेल पनि पानीका कारण अवरुद्ध भए साउथ अफ्रिका फाइनलमा पुग्नेछ । फाइनल खेल आइतबार हुने तय भएको छ ।