ताजा अपडेट »

अर्घाखाँची सिमेन्टले एनएमबि क्यापिटल लिमिटेडलाई तोक्यो शेयरको निष्काशन तथा बिक्री प्रबन्धक

सोमबार, ०३ बैशाख २०८१, १७ : ३३
232 Shares

बुटवल । अर्घाखाँची सिमेन्ट लिमिटेडले सर्वसाधारणमा प्राथमिक सेयर सार्वजनिक निष्काशन गर्नका लागि एनएमबि क्यापिटल लिमिटेडलाई निष्काशन तथा बिक्री प्रबन्धकमा नियुक्त गरेको छ । सो सम्बन्धी सम्झौतापत्र आज एनएमबि क्यापिटल लिमिटेडको रजिष्र्टर्ड कार्यालयमा सम्पन्न भएको एनएमबि क्यापिटलले जनाएको छ । कम्पनीले साधारण शेयर निष्काशन गर्ने सम्बन्धी कार्यको लागि एनएमबि क्यापिटल लिमिटेडलाई धित्तोपत्र निष्काशन तथा बिक्री प्रबन्धकमा नियुक्त गरेको हो ।

निष्काशन तथा बिक्री प्रबन्धक नियुक्त गर्ने सम्बन्धी सम्झौता–पत्रमा अर्घाखाँची सिमेन्ट लिमिटेडका तर्फबाट चिफ फाइनान्सिएल अफिसर राजु पौडेल तथा धितोपत्र निष्काशन तथा बिक्री प्रबन्धक एनएमबि क्यापिटल लिमिटेडको तर्फबाट प्रमुख कार्यकारी अधिकृत श्री दीपेश कुमार वैद्यले सम्झौतापत्रमा हस्ताक्षर गरेका हुन । नियामक निकायबाट तोेकिएका सम्पूर्ण प्रक्रिया तथा आवश्यकताहरु पूरा गरी यथासम्भव छिटो निष्काशनको प्रक्रिया अगाडी बढाईने उद्योगका चिफ फाइनान्सिएल अफिसर राजु पौडेलले बताए । 

अर्घाखाँची सिमेन्ट लि.ले रुपन्देहीमा उद्योग स्थापना गरी संचालन गर्दे आईएरहेको छ । यो सिमेन्ट देशकै अग्रणी सिमेन्ट उत्पादक कम्पनी मध्य हो । यस उद्योगका उत्पादन हरु नेपाल मात्र नभई छिमेकी मुलुक भारतका  समिावर्ति सहरहरुमा समेत निर्यात हुदै आएका छन ।

ग्लोबल आवाज
लेखकको बारेमा
ग्लोबल आवाज
ग्लोबल आवाज लुम्बिनी प्रदेशबाट प्रकाशित लोकप्रिय अनलाइन पत्रिका हो ।