रिङसिङ्लेक सामुदायिक विकास कृषि सहकारीको ११ औँ वार्षिक साधारणसभा सम्पन्न

पाल्पा । रिङसिङ्लेक सामुदायिक विकास कृषि सहकारी संस्था लिमिटेड,तिनाउ-१ ,ओखलढुंगाकाे ११ ओै वार्षिक साधारणसभा आईतवार ओखलढुंगा र कचलफाँटमा सम्पन्न भएको छ ।

सभाका प्रमुख अतिथि तिनाउ गापा,वडा नं १ का वडाध्यक्ष भुवानसिंह चिदीले गाउँमा खुलेकाे रिङसिङलेक कृषि सहकारीमार्फत गाउँलेहरुकाे जीवनाेस्तरमा टेवा पुगेकाे बताए । उनले गाउँमा माैरीपालन,पशुपालन,तरकारी खेती र अम्रिसाे उत्पादनले आर्थिक उपार्जनमा सहयाेग मिलेकाे बताउँदै सहकारीले कृषि प्राविधि एवम् आर्थिक क्षेत्रमा सक्दाे सहयाेग गर्नुपर्नेमा जाेड दिए ।

साथै पालिकाले कृषि उपज बिक्रीवितरण केन्द्र बुटवलमा सञ्चालन गरेकाे हुँदा उत्पादित कृषि उपज साेही केन्द्रमा लैजान समेत वडाध्यक्ष चिदीले किसानहरुलाई अनुराेध गरे । उक्त सभामा युवा वर्ष मावि,व्यवस्थापन समितिका अध्यक्ष राेमबहादुर लम्तरी,ज्ञानाेदय मावि,व्यवस्थापन समितिका अध्यक्ष धनबहादुर घर्तिमगर र बेलचाैर आधारभूत विद्यालयका अध्यक्ष अमर सुनारीले रिङसिङलेक  सहकारी,गाउँमा आर्थिक परिवर्तन र सामाजिक विकासमा बरदान सावित भएकाे उल्लेख गरे ।

सभामा सहकारीका अध्यक्ष ओमबहादुर सुनारीले वार्षिक प्रगति प्रतिवेदन,चालू वर्षकाे याेजना ,कार्यक्रमसँगै अनुमानित वजेट समेत प्रस्तुत गरेका थिए ।