बुद्व सामुदायिक वन उपभाेक्ता समूह, देवदहकाे १२ ओैं वार्षिक साधारणसभा सम्पन्न

बुटवल । बुद्व सामुदायिक वन उपभाेक्ता समूह,देवदहकाे १२ ओैं वार्षिक साधारणसभा बिहिवार देवदहमा सम्पन्न भएको छ ।

वार्षिक साधारणसभामा समूहका अध्यक्ष टेकबहादुर रानाले वार्षिक प्रगति प्रतिवेदन र चालू वर्षकाे याेजना तथा कार्यक्रम पेस गरेका थिए । साथै समूहकी सचिव राधिका कुमारी अर्यालले गत आर्थिक वर्षकाे आर्थिक प्रगति प्रतिवेद र  यस वर्षका लागि करिव डेढ कराेड बराबरकाे अनुमानित वजेट पेश गरेकी थिईन ।

सभाकी प्रमुख अतिथि देवदह नगरपालिकाकी उपप्रमुख बिद्यालक्ष्मी गुरुङले बुद्व सामुदायिक वनले देवदहलाई देश र विदेशसम्म चिन्ने गरि पर्यापर्यटन विकासका लागि राष्ट्रिय गाैतमबुद्व उद्यान बनाएकाेमा खुसी प्रकट गरिन् । समृद्ध नगर,सुखी नगरबासी बनाउने अभियानमा बुद्व सामुदायिक वनकाे याेगदान अतुलनीय रहेकाे उल्लेख गर्दै फाेहाेर व्यवस्थापन,वातावरणीय सरसरफाइ,आयमुखी क्रियाकलापमा जाेड दिएकाेमा वनप्रति आभार प्रकट गरिन् ।

सभाका विशिष्ट अतिथि एवम् नगर प्रवक्ता गणेश डुम्रेले वनका ढलापडा कुहिएर जाने तर स्थानीयले प्रयाेग गर्न ऐन बाधक रहेका समस्याले देवदह नगरले छिट्टै स्थानीय वन ऐन, कानून,नियमावली ल्याउन थालेकाे बताए । साथै वनले वनउद्यममा ध्यान पुराउनु पर्ने बताए । उक्त सभामा वडा नं. ६ का वडाध्यक्ष खेमबहादुर थापाले वनलाई आर्थिक उपार्जनकाे बाटाे बनाउनु पर्नेमा चर्चा गरे । साे सभामा विशिष्ट अतिथिका रुपमा रहेका सामुदायिक वन समन्वय समिति,तिनाउ,पाल्पाका अध्यक्ष दलबहादुर गुरुङले वनप्रतिकाे निर्भरता घटाउँदै हरिया वनबाट हरिया नाेट आम्दानी गर्न सकिने वैधानिक उपाय र बाटाका बारेमा जानकारी गराए ।

स्थानीय वनलाई उद्यमसँग जाेड्न सीपमूलक काममा वन लाग्नु पर्ने सुझाए । उक्त सभामा देवदह सब डिभिजनल वनका अधिकृत मुसाफिर भगत,खेमनारायण अधिकारी,यमलाल तिवारी,सन्ताेष भट्टराई,थमनसिंह गुरुङ लगायतले बुद्व सामुदायिक वनका काम प्रशंसनीय र प्रभावकारी रहेकाे बताए । वार्षिक साधारणसभाका अवसरमा समूहले  ८० नाँघेका आफ्ना ज्येष्ठ उपभाेक्ताहरुलाई दाेसल्ला तथा नगदले सम्मान गरिएकाे थियाे ।