बुटवल । बुटवल उपमहानगरपालिका – १० ले बिजयादशमीको शुभकामना आदानप्रदान कार्यक्रम सम्पन्न गरेको छ । सो कार्यक्रममा २०४८ देखी २०७४ सम्मका पुर्व जनप्रतिनिधि, स्थापनाकालदेखी वर्तमानसम्मका टोल वडा अध्यक्ष , ९० वर्ष माथिका ज्येष्ठ नागरिक, २०५२ सालदेखि काम गर्दै आएका स्वास्थ्य सेविका समाजसेवी र पत्रकारलार्इ सम्मान गरेको छ । कार्यक्रममा ज्येष्ठ नागरिक पुर्णकला पराजुली, पवि गुरुङ र ललिता गैरेलाई सम्मान गरिएको थियो ।

कार्यक्रममा प्रमुख अतिथि बुटवल प्रमुख खेलराज पाण्डेयले धन्यवाद ज्ञापन गरी बुटवललाई खुसी समृद्धि र उज्यालो बुटवल बनाउनका लागि सबैलाइ आग्रह गरे । साथै आउँदै गरेको विजयादशमी तथा छटपर्वको शुभकामना दिँदै दिए । उक्त कार्यक्रम वडा अध्यक्ष बल बहादुर पुनको अध्यक्षतामा भएको थियो । अध्यक्ष बल बहादुर पुनले उधमशिलता कार्यक्रमहरु गरेको र अझै महिलाहरुका लागी सिपमुलक तालिमहरु ल्याउने बताए ।

स्वयंसेविका संयोजक चन्द्रकला बुदाथोकी, परीजात आमा समुह अध्यक्ष हरि छेत्री, पुर्व टोल विकास संस्था अध्यक्ष धर्मराज पौडेल, समाजसेवि हुमप्रसाद अधिकारी ,समाज सुधार डिल्लीराम अर्याल कालिका टोलका अध्यक्ष भेग बहादुर सारु , रामनगर समुदायिक बनका अध्यक्ष रुद्र हमाल, कालिका खानेपानी तथा सरसफाई अध्यक्ष जनक बहादुर थापा, समाजसेवी केशव बहादुर गुरुङ, नेकपा माओवादी दिलीप सुनार लगायतले शुभकामना व्यक्त गरेका थिए ।

यस्तै कार्यक्रममा नारायण वली र मनु गुरुङलाई सम्पन गरिएको थियो । वडा सचिव गणेश प्रसाद न्यौपानेको संचालनमा भएको कार्यक्रममा वडा सदस्य यमुना काउचा स्वागत मन्तव्य राखेकी थिइन
।