ग्लोबल आवाजAdvertisement
बुटवल । शाहसी कदम नेपालको आयोजानमा बुटवलमा मिस डायमण्ड नेपाल २०२३ हुने भएको छ । चौथो संस्करणको रुपमा आयोजना हुन लागेको यो प्रतियोगीतामा देशभरबाट यौनिक तथा लैगिङ्ग अल्पसंख्य समुदायबाट ११ जनाले अन्तीम प्रतिष्पर्धा गर्ने भएका हुन ।
शाहसी कदम नेपालका अध्यक्ष तथा अभियान्ता आनिक राना मगरका अनुसार यहि असोज १५ गते अन्तिम फाईनल प्रतियोगीता हुने छ । जसको तयारी स्वरुम कुल २१ जना आवेदकबाट छानिएका ११ जनालाई अहिले क्लोज क्याम्पमा राखेर प्रतिष्पर्धा गराईरहेको छ । सन् २०१६, २०२१, २०२२ मा गरी तिन पटकसम्म मिस डायमण्ड प्रतियोगीता सफलतापूर्वक सम्पन्न गरी पुनः यो सौन्दर्यसम्बन्धी प्रतियोगीता आयोजना गर्न लागिएको मिस डायमण्ड २०१६ का विजेता तथा म्यानेजिङ्ग डाईरक्टर रेशम न्यौपानेले जानकारी दिए । उनका अनुसार क्लोज क्यापमा छानिएका ११ जनालाई विभिन्न ६ वटा विधामा तालिम प्रदान गरी अन्तिम प्रतिष्पर्धामा उत्कृष्टलाई नगद पुरस्करसहित क्राउन समेत प्रदान गरिने छ ।
सन् २०१६ मा आयोजना गरिएको मिस डायमण्डको उपाधी रेशम न्यौपाने(रेस्मा डार्लिङ्ग)ले जितेका थिए भने सन् २०२१ को सरोजी न्यौपाने, २०२२ को प्रनेशा थापाले उपाधी जितेका थिए । प्रतियोगीतको तिलोत्तमा नरपालिका, बुटवल उपमहानरपालिका सहित अन्य सहयोगी दाताहरुले सहयोग गरेका छन् । भने मुख्य प्रायोजन लांघाली ब्युटी पार्लरको रहेको छ । विजेताले २० हजार, १५ हजार, ५, ५ हजार नगद सहित विभिन्न विधामा उपाधी प्राप्त गर्ने छन् ।
शाहसी कदम नेपालका अध्यक्ष आनिक रानाका अनुसार ‘सिंगल बट स्ट्रोङ्ग’ भन्ने नाराका साथ यो प्रतियोगीता गरिएको हो । यौनिक तथा लैंगीङ्गक अल्पसंख्यकहरुको सामाजिक पहिचान स्थापना गर्ने उदेश्यका साथ आगामी दिनमा पनि प्रतियोगीता आयोजना गरिने उनले जानकारी दिई । बुधबार आयोजना गरिएको कन्टेष्ट रिलिज तथा अफिलीयल प्रेस मिट कार्यक्रममा अग्रज गायिक देवीका बन्धनाले प्रतियोगीहरुलाई सफलताको शुभकामना समेत दिएकी थिईन ।
प्रतिकृया दिनुहोस्