ग्लोबल आवाजAdvertisement
बुटवल । दुर्घटना न्युनिकरण तथा ट्राफिक व्यवस्थापनका लागि पाल्पाको तिनाउमा व्यवसायी र प्रहरी बीच शुक्रबार अन्तरक्रिया सम्पन्न भएको छ । प्रहरि चौकि दोभानको आयोजनामा तिनाउका टिप्पर व्यवसायीसँग सुरक्षित यात्रा सम्बन्धि छलफल भएको हो ।
चुनढुङ्गा ढुवानी गर्ने टिप्परबाट हुने दुर्घटनालाई कमी गर्न एक हप्ते संयुक्त चेकिङ गर्ने, चालक र सहचालकलाई ट्राफिक नियम पालना सम्बन्धी जानकारी गराउने साथै खानीमा लोड गर्न बास बस्ने चालक तथा सह चालकलाई र होटेल ब्यवसायी तथा स्थानीयसँग छलफल छलफल कार्यक्रम सञ्चालन गर्ने विषयमा सुझाब संकलन गरिएको थियो । दोभान प्रहरि चौकिका प्रमुख कमल थापा मगर, ट्राफिक प्रहरी चौकी दोभानका प्रमुख पर्सुराम गौतम तथा तिनाउ टिप्पर ब्यवासायी समितिका अध्यक्ष अरबिन्द पाण्डेय लगायतले दुर्घटना न्युनिकरण सम्बन्धि सुझाब तथा योजनाहरु प्रस्तुत गरेका थिए । यसैगरी व्यवसायीहरु कृष्ण पाण्डेय, दुर्गा थापा, तोया लम्साल लगायतले टिप्पणीसहित सुझाब प्रस्तुत गरेका थिए ।
तिनाउमा ३ सय बढी टिप्पर सञ्चालनमा रहेका छन् भने ६ वटा चुनखानीबाट उत्खनन् हुने गर्दछ । उत्खनन् गरी रुपन्देही तथा नवलपरासीका विभिन्न सिमेन्ट फ्याक्ट्रीहरुमा ढुवानी हुने गर्दछ ।
प्रतिकृया दिनुहोस्